លោកប្រធានាធិបតី Donald Trump បានចុះហត្ថលេខាលើបទបញ្ជាប្រតិបត្តិមួយ កាលពីថ្ងៃព្រហស្បតិ៍ ដើម្បីចេញផ្សាយឯកសារដែលទាក់ទងនឹងការធ្វើឃាត លោក John F. Kennedy និងលោក Robert F. Kennedy រួមទាំងលោកបណ្ឌិត Martin Luther King ។
លោក Trump បាននិយាយ នៅពេលចុះហត្ថលេខា ថា នេះជារឿងសំខាន់មួយ ហើយលោក ធ្លាប់ប្តេជ្ញាជាយូរមកហើយថានឹងធ្វើឱ្យព័ត៌មាននេះចេញជាសាធារណៈ។ លោក បានចេញផ្សាយឯកសារមួយ កាលពីឆ្នាំ ២០១៧ ទាក់ទងនឹងការសម្លាប់លោក John F. Kennedy ឆ្នាំ ១៩៦៣ ប៉ុន្តែមិនបញ្ចេញឯកសារមួយចំនួនដែលត្រូវកែសម្រួលឡើងវិញដោយផ្អែកលើអនុសាសន៍របស់ CIA និង FBI ។
ច្បាប់ឆ្នាំ ១៩៩២ ដែលត្រូវបានអនុម័តដោយសភាតម្រូវឱ្យចេញផ្សាយឯកសារ John F.Kennedy នៅឆ្នាំ ២០១៧ លុះត្រាតែប្រធានាធិបតី អនុញ្ញាត ។
យោងតាមអត្ថបទរបស់សេតវិមាន លោក Trump បច្ចុប្បន្ន បានកំណត់ថា ការបន្តឡើងវិញ និងការរក្សាទុកព័ត៌មាន John F.Kennedy មិនស្របនឹងផលប្រយោជន៍សាធារណៈទេ ហើយការចេញផ្សាយកំណត់ត្រាទាំងនេះគឺហួសពេលយូរហើយ ។
លោក Trump បានបន្ថែមថា ហើយទោះបីជាគ្មានច្បាប់សភាដឹកនាំការចេញផ្សាយព័ត៌មានដែលទាក់ទងនឹងការធ្វើឃាតសមាជិកព្រឹទ្ធសភា លោក Robert F. Kennedy និងលោក Reverend Dr. Martin Luther King, Jr. ក៏ដោយ ក៏ខ្ញុំកំណត់ថាការចេញផ្សាយកំណត់ត្រាទាំងអស់នៅក្នុងកម្មសិទ្ធិរបស់រដ្ឋាភិបាលសហព័ន្ធដែលទាក់ទងនឹង រាល់ការធ្វើឃាតទាំងនោះក៏ជាប្រយោជន៍សាធារណៈដែរ ។
គួរបញ្ជាក់ថា លោក Trump បានឈានជើងចូលសេតវិមានផ្លូវការ មានរយៈពេលជិត ១ សប្ដាហ៍ ដោយគិតចាប់ពីថ្ងៃទី ២០ ខែមករា នេះ ៕
ដោយ៖ ពេជ្រ
