បន្ទាយមានជ័យ៖ កាលពី ថ្ងៃទី១៣ ខែមករា ឆ្នាំ២០២៥ កម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែតបានទទួលព័ត៌មានពីប្រព័ន្ធផ្សព្វផ្សាយ(No Drug)ថាមានករណី ចែកចាយ និងប្រើប្រាស់គ្រឿងញៀនខុសច្បាប់នៅចំណុចដី ស ស្ថិតនៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។ ក្រោយទទួលបានព័ត៌មាននោះ កម្លាំងផែនប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែត បានចុះទៅដល់ទីតាំងខាងលើ ហើយបានឃាត់ខ្លួនជនសង្ស័យចំនួន០៣នាក់រួមមាន៖
១.ឈ្មោះវី សាវិត ភេទប្រុស អាយុ១៨ឆ្នាំ ជនជាតិខ្មែរ។
២ឈ្មោះមឿន រក្សា ភេទប្រុស អាយុ១៨ឆ្នាំ ជនជាតិខ្មែរ។
៣.ឈ្មោះឈីម វណ្ណឈីត ភេទប្រុស អាយុ២០ឆ្នាំ ជនជាតិខ្មែរ។
បន្ទាប់មកកម្លាំងនគរបាលក៏បាននាំជនសង្ស័យមកកាន់អធិការដ្ឋាននគរបាលក្រុងប៉ោយប៉ែត ដើម្បីធ្វើការសួរនាំតាមនីតិវិធី និងបានធ្វើតេស្តទឹកនោមស្វែងរកសារធាតុញៀនលទ្ធផលវិជ្ជមាន(+)។ ជំនាញក៏បានសុំធ្វើការឃាត់ខ្លួនជនសង្ស័យដើម្បីកសាងសំណុំរឿងបញ្ជូនតាមនិតិវិធី៕
