ការប្រកួតពានរង្វាន់ Asean Mitsubishi Electric Cup 2024 បានរកឃើញក្រុមខ្លាំង២ក្រុមឡើងវគ្គផ្ដាច់ព្រ័ត្រហើយ គឺក្រុមនាគក្រហមវៀតណាម និងក្រមដំរីសឹកថៃ ក្រោយឆ្លងកាតើការប្រកួតយ៉ាងស្វិតស្វាញជិត១ខែកន្លងមកនេះ។
មុនឡើងមកដល់វគ្គនេះក្រុមវៀតណាម បានយកឈ្នះក្រុមសិង្ហបុរី ទាំង២ជើងក្នុងលទ្ធផល ៥-១ ខណៈក្រុមដំរីសឹកថៃ កាលពីយប់មិញបានវាយបកយកឈ្នះហ្វីលីពីន ៣-១ ក្នុងម៉ោងបន្ថែម១៥នាទី២ដង សរុបទាំង២ជើងថៃ ឈ្នះហ្វីលីពីន ៤-៣ ដើម្បីឡើងប៉ះវៀតណាមដណ្តើមពាន Asean Mitsubishi Electric Cup 2024។
សូមជម្រាបថា ការប្រកួតដណ្តើមពាន Asean Mitsubishi Electric Cup 2024 នឹងធ្វើឡើង២ជើងគឺនៅថ្ងៃទី២ ខែមករា វៀតណាម ទទួលក្រុមថៃ និងថ្ងៃទី៥ ខែមករា ឆ្នាំ២០២៥ ថៃ ទទួលក្រុមវៀតណាមវិញម្ដង៕
