ការប្រកួតជម្រើសជើងឯកខេមបូឌានព្រីមៀរលីគ ឆ្នាំ២០២៤/២៥ នឹងចាប់ផ្ដើមប្រកួតឡើងវិញដើម្បីបង្គ្រប់សប្ដាហ៍ទី១១ នៅថ្ងៃអង្គារ ទី២៤ ខែធ្នូ ឆ្នាំ២០២៤ ដែលជាការប្រកួតរវាងសមាគមក្រសួងមហាផ្ទៃ ជាមួយ ព្រះខ័នរាជស្វាយរៀង វេលាម៉ោង ៦:០០នាទីល្ងាច នាកីឡដ្ឋាន AIA KMH, Park ។
ការប្រកួតជម្រើសជើងឯកខេមបូឌានព្រីមៀរលីគ ឆ្នាំ២០២៤/២៥ ឆ្លងកាត់១៤សប្ដាហ៍ហើយដោយក្រុមភ្នំពេញក្រោន កំពុង ឈរកំពូលតារាង មាន ៣៤ពិន្ទុ មានគ្រាប់បាល់ចំណេញ ៣៤គ្រាប់, លេខ២ វិសាខា មាន២៦ពិន្ទុ មានគ្រាប់បាល់ចំណេញ ២១គ្រាប់, លេខ៣ ព្រះខ័នរាជស្វាយរៀង មាន២២ពិន្ទុ មានគ្រាប់បាល់ចំណេញ ២៤គ្រាប់, លេខ៤ អង្គរថាយហ្គឺរ មាន២៥ពិន្ទុ មានគ្រាប់បាល់ចំណេញ ១១គ្រាប់, និងលេខ៥ ណាហ្គាវើលដ៏ មាន២២ពិន្ទុ មានគ្រាប់បាល់ចំណេញ ៧គ្រាប់។
គួរឱ្យដឹងផងដែរថាការប្រកួតជម្រើសជើងឯកខេមបូឌានព្រីមៀរលីគ ឆ្នាំ២០២៤/២៥ សប្ដាហ៍ទី១៥ នឹងចាប់ផ្ដើមប្រកួត ចាប់ពីថ្ងៃសុក្រ ទី២៧ ខែធ្នូ ឆ្នាំ២០២៤ ខាងមុននេះ ដែលជាការប្រកួតបើកឆាករវាងខ្លាទឹកក្រូចអង្គរថាយហ្គឺរ ជាមួយ អាយអេសអាយដង្កោសែនជ័យ វេលាម៉ោង ៦:០០ នាទីល្ងាច នាកីឡដ្ឋាន អាគីហ៊ីរ៉ូកាតុ ខេត្តសៀមរាប ។
