ក្រុមការពារតំណែងជើងឯកព្រះខ័នរាជស្វាយរៀង និងភ្នំពេញក្រោន បានរក្សានូវកំណត់ត្រាមិនចាញ់សោះ គិតត្រឹមសប្ដាហ៍ទី៥ នៃលីគកំពូលកម្ពុជា ឆ្នាំ២០២៥/២៦ ក្រោយក្រុមទាំង២បានបន្តយកជ័យជម្នះលើគូប្រជែងរៀងៗខ្លួនកាលពីយប់មិញ។
សម្រាប់ព្រះខ័នរាជស្វាយរៀង បានបន្ដជ័យជម្នះទី៥ របស់ខ្លួន ដោយយកឈ្នះ ឡាហ្វ ខេត្តព្រះសីហនុ ក្នុងលទ្ធផល ៦-១ នៅពហុកីឡដ្ឋានជាតិ មរតកតេជោ។ ជ័យជម្នះនេះ នាំឲ្យពួកគេ រក្សាបាននូវជ័យជម្នះ ១០០% ដោយរកបាន ១៥ពិន្ទុ ដើម្បីគ្រងតំណែងកំពូលតារាងបណ្ដោះអាសន្ន។
ចំណែកក្រុមភ្នំពេញក្រោន ដែលទើបឆ្លងកាត់បាន ៤ប្រកួតប៉ុណ្ណោះ និងបានយកឈ្នះលើក្រុម អឹមអូអាយ កំពង់ដេវ៉ា ដោយលទ្ធផល ១-០ នៅកីឡដ្ឋានព្រីនស៍កាលពីយប់។ ជ័យជម្នះនេះ នាំឲ្យពួកគេបានរក្សានូវកំណត់ត្រាមិនចាញ់សោះនៅលីគកំពូលកម្ពុជា ដោយ ឈ្នះ២ ស្មើ២ មាន៨ពិន្ទុ៕
