ទីភ្នាក់ងារសារព័ត៌មានកណ្តាលកូរ៉េ (KCNA) បានរាយការណ៍ថា មេដឹកនាំកូរ៉េខាងជើង លោក គីម ជុងអ៊ុន បានជួបជាមួយក្រុមគ្រួសាររបស់ទាហាន ដែលស្លាប់ ក្នុងអំឡុងពេលជួយរុស្ស៊ីរំដោះយកតំបន់ Kursk ។
នៅថ្ងៃទី ២៩ ខែសីហា មេដឹកនាំកូរ៉េខាងជើង ត្រូវបានអមដំណើរដោយមន្ត្រីជាន់ខ្ពស់នៃគណៈកម្មាធិការកណ្តាលនៃគណបក្សពលករកូរ៉េ មេបញ្ជាការយោធា និងបុគ្គលិកនៃសាលាបដិវត្តន៍ ចុះជួបគ្រួសារទាហានរងគ្រោះ។
លោក បានសម្តែងការរំលែកទុក្ខ និងសម្រាលទុក្ខដល់ក្រុមគ្រួសារនៃអ្នកស្លាប់ ។
ទន្ទឹមនោះ លោក គីម ជុងអ៊ុន ក៏បានលើកឡើង ពីវិរៈភាពកងទ័ពផងដែរ។ មេដឹកនាំកូរ៉េខាងជើង បានបង្ហាញរូបសាកសពទាហានដែលរុំដោយទង់ជាតិជូនក្រុមគ្រួសារផងដែរ។
គួរបញ្ជាក់ថា មានទាហានកូរ៉េខាងជើង ស្លាប់ក្នុងសមរភូមិរវាងរុស្ស៊ី និងអ៊ុយក្រែន ក្នុងការប៉ះទង្គិចគ្នាដ៏ខ្លាំងនៅតាមតំបន់ Kursk ៕
ដោយ៖ ពេជ្រ
