ប្រធានាធិបតីអាមេរិកលោក ដូណាល់ ត្រាំ អះអាងថា ស្ថានភាពជុំវិញជម្លោះអ៊ុយក្រែនដែលបង្កឡើងដោយលោក បៃដិន អាចនឹងវិវត្តន៍ទៅជាសង្រ្គាមលោកលើកទី ៣ ។
លោក បានប្រកែកថា ភាពតានតឹងជាសកលឡើងកម្ដៅខ្លាំង នៅពេលដែលទំនាក់ទំនងរវាងទីក្រុងម៉ូស្គូ និងទីក្រុងវ៉ាស៊ីនតោន ក្នុងអាណត្តិលោក បៃដិន ។
ចាប់តាំងពីការវិលត្រឡប់មកកាន់តំណែងក្នុងខែមករា លោក ត្រាំ បានស្ដារឡើងវិញនូវទំនាក់ទំនងការទូតរបស់សហរដ្ឋអាមេរិកជាមួយរុស្ស៊ី ដែលផ្អាកចាប់តាំងពីជម្លោះកើនឡើងក្នុងខែកុម្ភៈ ឆ្នាំ ២០២២ នៅអ៊ុយក្រែន ។
ថ្លែងទៅកាន់អ្នកកាសែតនៅសេតវិមាន កាលពីថ្ងៃសុក្រ លោក ត្រាំ អះអាងថា ប្រសិនបើខុសពីអាណត្តិលោក ជាអ្នកដឹកនាំ ជម្លោះអ៊ុយក្រែននឹង “ក្លាយជាសង្រ្គាមពិភពលោក” ។
គួរបញ្ជាក់ថា លោក ត្រាំ ធ្លាប់សន្យាបញ្ចប់ជម្លោះនៅអ៊ុយក្រែនឲ្យបានឆាប់តាមដែលអាចធ្វើទៅបាន ខណៈជម្លោះនេះអូសបន្លាយយូរមកហើយ៕
ដោយ៖ ពេជ្រ
