ការដាក់ទណ្ឌកម្មដ៏មានសក្ដានុពលរបស់ក្រុងវ៉ាស៊ីនតោនលើប្រទេសដែលទិញថាមពលពីរុស្ស៊ី អ្នកជំនាញយល់ថា នឹងប៉ះពាល់ដល់សេដ្ឋកិច្ចសហរដ្ឋអាមេរិកខ្លួនឯង។
ប្រធានាធិបតីអាមេរិក លោក ដូណាល់ ត្រាំ បានគំរាមដាក់ពន្ធរហូតដល់ ១០០ភាគរយ លើប្រទេសទិញប្រេងរុស្ស៊ី លុះត្រាតែកិច្ចព្រមព្រៀងស្តីពីការដោះស្រាយជម្លោះអ៊ុយក្រែនត្រូវបានសម្រេចក្នុងរយៈពេលកំណត់។
ការលើកឡើងនេះ គឺស្របពេលដែលបេសកជនពិសេសរបស់ប្រធានាធិបតីអាមេរិក លោក Steve Witkoff បច្ចុប្បន្នកំពុងបំពេញទស្សនកិច្ចនៅប្រទេសរុស្ស៊ី។
អ្នកជំនាញមើលឃើញពីលទ្ធភាពនៃផលប៉ះពាល់លើសេដ្ឋកិច្ចអាមេរិកខ្លួនឯង ក្នុងករណីលោក ត្រាំ សម្រេចថានឹងដាក់ទណ្ឌកម្មលើប្រទេសទាំងនោះពិតមែន។
ទោះជាយ៉ាងណា លោក ត្រាំ នឹងបោះបង់គំនិតដាក់ទណ្ឌកម្មនេះ បើសន្តិភាពនៅអ៊ុយក្រែន មើលទៅមានភាពល្អប្រសើរនោះ៕
ដោយ៖ ពេជ្រ
