នៅវេលាម៉ោង ៦:០០ នាទីល្ងាចនេះ (ម៉ោងនៅកម្ពុជា) ក្រុមជម្រើសជាតិកម្ពុជា នឹងត្រូវជួបតតាំងជាមួយក្រុមម្ចាស់ផ្ទះសិង្ហបុរី ក្នុងជំនួបទី២ពូល A នៃពានរង្វាន់ ASEAN Mitsubishi Electric Cup™ 2024 នៅកីឡដ្ឋាន National Stadium, Singapore ប្រទេសសិង្ហបុរី។
សម្រាប់ការប្រកួតទី១ របស់ក្រុមគោព្រៃកម្ពុជា បានស្មើជាមួយក្រុមម៉ាឡេស៊ី ក្នុងលទ្ធផល ២-២ នៅពហុកីឡដ្ឋានជាតិអូឡាំពិក ទីក្រុងភ្នំពេញ ខណៈក្រុមម្ចាស់ផ្ទះសិង្ហបុរី ទើបជាការប្រកួតទី១របស់ពួកគេក្នុងព្រឹត្តការណ៍នេះ។
មុនការប្រកួតឈានដល់ យើងមកមើលការជួបគ្នា៣ ប្រកួតចុងក្រោយរបស់ក្រុមជម្រើសជាតិកម្ពុជា និងក្រុមជម្រើសជាតិសិង្ហបុរី ក្នុងជំនួបផ្លូវការ គឺ កម្ពុជាមិនទាន់ឈ្នះទេ ៣ ប្រកួតកន្លងមក ពោលគឺ ចាញ់សិង្ហបុរី ២-១ ចាញ់ ៤-០ និងចាញ់ ៥-០។
សូមជម្រាបថា ការប្រកួតបន្ទាប់របស់ក្រុមគោព្រៃកម្ពុជា នឹងត្រូវប៉ះក្រុមទីម័រខាងកើត នៅថ្ងៃទី១៧ ខែធ្នូ ឆ្នាំ២០២៤ នៅពហុកីឡដ្ឋានជាតិអូឡាំពិក ទីក្រុងភ្នំពេញ និងចុងក្រោយនឹងធ្វើដំណើរទៅកាន់ទឹកដីថៃ នាថ្ងៃទី២០ ខែធ្នូ ឆ្នាំ២០២៤ ៕
