កីឡាករប្រដាល់សកលកម្ពុជា អាន់វ៉ា ណាស្រេឌីនូវ ដណ្តើមបានមេដាយសំរឹទ្ធ ជើងឯកអាស៊ី (ASBC Asian Elite Boxing Championships 2024) ឆ្នាំ ២០២៤ ឱ្យកម្ពុជាលើកដំបូង ក្រោយប្រកួតចាញ់កីឡាករចិន Wang Jingxiang នៅវគ្គពាក់កណ្តាលផ្តាច់ព្រ័ត្រ នៅថ្ងៃទី៨ ខែធ្នូ។ ដូច្នេះមានន័យថាអ្នកប្រដាល់សកល វ័យ៣៤ឆ្នាំ ទទួលបានមេដាយសំរឹទ្ធដោយស្វ័យប្រវត្តិតែម្តង។
មេដាយសំរឹទ្ធិរបស់អាន់វ៉ា ជាការបង្កើតកំណត់ត្រាថ្មីសម្រាប់សហព័ន្ធកីឡាប្រដាល់សកលកម្ពុជា បន្ទាប់ពីកីឡាប្រដាល់កលកម្ពុជា ធ្លាប់ទទួលបានមេដាយប្រាក់១ និងសំរឹទ្ធ១ នៅក្នុងការប្រកួតប្រដាល់សកលជើងឯកអាស៊ីអាយុក្រោម ២២ឆ្នាំ កាលពីឆ្នាំ២០២២។
២១ប្រទេស បានចូលរួមការប្រកួតកីឡាប្រដាល់សកលជើងឯកអាស៊ីឆ្នាំ ២០២៤ នៅថៃ ដោយក្នុងនោះមានអត្តពលិកសរុប ២១០នាក់ កីឡាករ១៨០ និងកីឡាការិនី ៨០រូប៕
