ប្រភពរដ្ឋាភិបាលអាមេរិក បានឲ្យដឹងថា បុគ្គលិកស្ថានទូតអាមេរិកដែលមិនចាំបាច់ និងអ្នកដទៃទៀត កំពុងស្ថិតនៅទីក្រុងបាកដាដ នឹងត្រូវជម្លៀសចេញពីប្រទេសអ៊ីរ៉ាក់ ដោយសារតែហានិភ័យសន្តិសុខកើនឡើង។
ក្រុមមន្ត្រី មិនបាននិយាយច្បាស់ពីផែនការដែលជំរុញឱ្យមានការជម្លៀសនេះនៅឡើយទេ ប៉ុន្តែរបាយការណ៍មួយចំនួនចុះផ្សាយថា ដោយសារតែ អ៊ីស្រាអែល ត្រៀមបើកប្រតិបត្តិការចូលទៅក្នុងប្រទេសអ៊ីរ៉ង់។
នេះជាផ្នែកមួយនៃហេតុផលដែលជនជាតិអាមេរិកមួយចំនួន ត្រូវបានអំពាវនាវឱ្យចាកចេញពីតំបន់នេះ ដោយបន្ថែមថា ពួកគេរំពឹងថាអ៊ីរ៉ង់ អាចសងសឹកលើទីតាំងប៉ុសិ៍្តអាមេរិកមួយចំនួននៅអ៊ីរ៉ាក់។
កម្ដៅកើនឡើង បន្ទាប់ពីកិច្ចពិភាក្សារបស់សហរដ្ឋអាមេរិកស្ដីពីកម្មវិធីនុយក្លេអ៊ែររបស់អ៊ីរ៉ង់ ហាក់ដូចជាបានជាប់គាំង ក្នុងរយៈពេលប៉ុន្មានថ្ងៃថ្មីៗនេះ ៕
ដោយ៖ ពេជ្រ
