ការវាយប្រហាររបស់រុស្ស៊ី កាលពីយប់ថ្ងៃព្រហស្បតិ៍ លើអ៊ុយក្រែន រួមទាំងទីក្រុងរដ្ឋធានីកើតឡើង បន្ទាប់ពីលោក Donald Trump ព្រមានថា ប្រធានាធិបតីរុស្ស៊ី លោក Vladimir Putin នឹងរៀបចំការសងដឹក។
ការវាយប្រហារនាពេលថ្មីៗដោយយន្តហោះគ្មានមនុស្សបើក “Spider Web” របស់អ៊ុយក្រែន ទៅលើប្រទេសរុស្ស៊ី បណ្ដាលឲ្យខូចខាតយន្តហោះចម្បាំងយ៉ាងហោចណាស់ ៤០ គ្រឿង។
ប្រធានាធិបតីអាមេរិក បាននិយាយថា លោក Putin បញ្ជាក់ច្បាស់ៗហើយថា លោក នឹងសងសឹកចំពោះការវាយប្រហារនាពេលថ្មីៗនេះលើអាកាសយានដ្ឋានរុស្ស៊ី ។
គួរបញ្ជាក់ថា យោងតាមលោក Trump បានព្រមានអ៊ុយក្រែន ពីការសងសឹករបស់រុស្ស៊ី តាមការហៅទូរស័ព្ទជាមួយលោក Putin បន្ទាប់ពីការវាយប្រហារស្ពានគ្រីមេ និងអាកាសយានដ្ឋាន នាពេលថ្មីៗនេះ៕
ដោយ៖ ពេជ្រ
