តាកែវ៖ នាថ្ងៃអង្គារ ទី៣ ខែមិថុនា ឆ្នាំ២០២៥ ក្រុមការងារបច្ចេកទេសអន្តរក្រសួងបានចាប់ផ្តើមចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តតាកែវ។
ជាលទ្ធផលក្រុមការងារបច្ចេកទេសអន្តរក្រសួងបានសម្រេចការកំណត់និយាមកា និងបោះបង្គោលទាំងអស់សរុបចំនួន ៤១ចំណុច នៃចំណុចដែលគ្រោង តាមបណ្តោយតម្រាយផ្លូវទឹកកំណាត់ទី២ ដែលឆ្លងកាត់ខេត្តកណ្តាល តាកែវ កំពត និងខេត្តកែប៕
