មជ្ឈមណ្ឌលចែកចាយជំនួយនៅហ្គាហ្សា នឹងត្រូវបិទរយៈពេល ១ថ្ងៃ នៅថ្ងៃពុធនេះ បន្ទាប់ពីយោធាអ៊ីស្រាអែល កំណត់ផ្លូវទៅកាន់ទីនោះថាជា “តំបន់ប្រយុទ្ធ” ។
មូលនិធិមនុស្សធម៌ Gaza (GHF) ដែលជាបណ្តាញជំនួយគាំទ្រដោយសហរដ្ឋអាមេរិក និងអ៊ីស្រាអែលដ៏ចម្រូងចម្រាស ដែលបានចាប់ផ្តើមប្រតិបត្តិការ កាលពីសប្តាហ៍មុន បានឲ្យដឹងពីការបិទគេហទំព័ររបស់ខ្លួន សម្រាប់ការធ្វើបច្ចុប្បន្នភាព ការរៀបចំ និងការកែលម្អប្រសិទ្ធភាពការងារបណ្ដោះអាសន្ន។
យោងតាម កងកម្លាំងការពារអ៊ីស្រាអែល (IDF) បានបញ្ជាក់ថា នឹងមានការហាមឃាត់ពីការចូលទៅកាន់មជ្ឈមណ្ឌលចែកចាយជំនួយ សម្រាប់ថ្ងៃពុធនេះ។
គួរបញ្ជាក់ថា កាលពីពេលថ្មីៗនេះ ការវាយប្រហាររបស់អ៊ីស្រាអែល លើមជ្ឈមណ្ឌលចែកស្បៀង សម្លាប់មនុស្ស និងរងរបួសជាច្រើននាក់ ដោយនាំឲ្យមានការថ្កោលទោសពី UN ផងដែរ៕
ដោយ៖ ពេជ្រ
