Barcelona បានវាយបកវិញដើម្បីតាមស្មើក្នុងលទ្ធផលស្មើ ៣-៣ ទល់នឹងក្រុមភ្ញៀវ Inter Milan ក្នុងការប្រកួតជើងទី១នៃវគ្គពាក់កណ្តាលផ្តាច់ព្រ័ត្រ Champions League នៅកីឡដ្ឋាន Montjuic Olympic Stadium កាលពីយប់មិញ។
សម្រាប់ការប្រកួតនេះ ៣គ្រាប់របស់ក្រុមភ្ញៀវ Inter Milan រកបានដោយកីឡាករ Marcus Thuram នៅនាទីទី១ និងកីឡាករ Denzel Dumfries រកបាន២គ្រាប់នៅនាទីទី២១ និង៦៣ ខណៈ៣គ្រាប់របស់ក្រុមម្ចាស់ផ្ទះ Barcelona រកបានដោយកីឡាករ Lamine Yamal នាទីទី២៤ កីឡាករ Ferran Torres នាទីទី៣៨ និងគ្រាប់ចុងក្រោយជាភ្លាត់ស្នៀតចូលទីខ្លួនឯងរបស់កីឡាករ Inter Milan គឺកីឡាករ Sommer នាទីទី៦៥។
យ៉ាងណាមិញក្រុមទាំងពីរនឹងត្រូវប្រកួតកាត់ក្ដីជើងទី២នៅប្រទេសអ៊ីតាលី នៅថ្ងៃទី៧ ខែឧសភា ដើម្បីស្វែងរកក្រុមឡើងទៅវគ្គផ្ដាច់ព្រ័ត្រ Champions League រដូវកាល ២០២៤-២០២៥៕
