វ៉ាស៊ីនតោន៖ មន្ត្រីសហរដ្ឋអាមេរិកបាននិយាយកាលពីថ្ងៃចន្ទថា អនុឧត្តមនាវីឯកកងទ័ពជើងទឹកអាមេរិកលោកស្រី Shoshana Chatfield ដែលជាស្ត្រីតែម្នាក់គត់នៅក្នុងគណៈកម្មាធិការយោធារបស់អង្គការ NATO ត្រូវបានបណ្តេញចេញកាលពីចុងសប្តាហ៍ដោយរដ្ឋបាល Trump ។
ទោះបីជាមិនមានហេតុផលណាមួយត្រូវបានផ្តល់ឱ្យក៏ដោយ ប៉ុន្តែមន្ត្រីបានអះអាងថា ជាក់ស្តែងការដកហូតតំណែងនោះវាត្រូវបានផ្សារភ្ជាប់ទៅនឹងការអត្ថាធិប្បាយដែលលោកស្រីបានធ្វើឱ្យមានការគាំទ្រពីភាពចម្រុះនៅក្នុងកម្លាំង។
យោងតាមមន្រ្តី Chatfield បានទទួលការហៅទូរស័ព្ទពីលោកឧត្តមនាវីឯក Christopher Grady ដែលជាប្រធានស្តីទីនៃអគ្គសេនាធិការចម្រុះ ហើយត្រូវបានគេប្រាប់ថារដ្ឋបាលចង់ទៅក្នុងទិសដៅផ្សេងជាមួយការងារ។
ក្រុមមន្ត្រីបាននិយាយថា ពួកគេជឿថាការសម្រេចចិត្តនេះត្រូវបានធ្វើឡើងកាលពីសប្តាហ៍មុនដោយរដ្ឋមន្ត្រីការពារជាតិលោក Pete Hegseth ប៉ុន្តែវាមិនច្បាស់ថា តើគាត់បានទទួលការណែនាំណាមួយពីប្រធានាធិបតី Donald Trump នោះទេ។ មន្ត្រីអាមេរិកបីនាក់បាននិយាយអំពីការបណ្តេញចេញក្នុងលក្ខខណ្ឌមិនបញ្ចេញឈ្មោះដើម្បីពិភាក្សាពីបញ្ហាបុគ្គលិក។
លោកស្រី Chatfield គឺជាមន្ត្រីស្រីកំពូលទីបីដែលត្រូវបណ្តេញចេញចាប់តាំងពីលោក Trump ឡើងកាន់តំណែង។ លោក Hegseth បានប្រកាសកាលពីខែកុម្ភៈថាគាត់កំពុងបណ្តេញប្រធានប្រតិបត្តិការកងទ័ពជើងទឹក ឧត្តមនាវី Lisa Franchetti ខណដែលលោក Trump ក៏បានបណ្ដេញមេបញ្ជាការឆ្មាំឆ្នេរ Adm. Linda Fagan តែមួយថ្ងៃបន្ទាប់ពីលោកបានស្បថចូលកាន់តំណែង៕
ដោយ៖ ពេជ្រ
