ប្រធានក្រុមការងារសហភាពសហព័ន្ធយុវជនកម្ពុជាវិស័យវប្បធម៌និងវិចិត្រសិល្បៈ លោកបណ្ឌិត ហ៊ី វីរៈ តំណាង លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌និងវិចិត្រសិល្បៈ រួមជាមួយលោក ប្រាក់ សោភ័ណ អភិបាលនៃគណៈអភិបាលខេត្តសៀមរាប នាថ្ងៃទី៣ ខែមេសា ឆ្នាំ២០២៥ បានចូលរួមក្នុងពិធីអភិសេកផ្លាស់ប្ដូរគ្រឿងសក្ការៈ ថ្មីថ្វាយព្រះអង្គចេកព្រះអង្គចម ខេត្តសៀមរាប។
ពិធីអភិសេកផ្លាស់ប្ដូរគ្រឿងសក្ការៈនេះ ប្រារព្ធធ្វើឡើងដើម្បីផ្លាស់ប្ដូរគ្រឿងសក្ការៈថ្មី ជំនួសគ្រឿងសក្ការៈចាស់ដែលបានប្រេប្រើប្រាស់យូរឆ្នាំ មានសភាពចាស់ទ្រុឌទ្រោម និងសុំសេចក្តីសុខ សម្បូរសប្បាយ រីកចម្រើន នៃព្រះបារមីព្រះអង្គចេកព្រះអង្គចម៕
