គិតមកដល់ពេលនេះចំនួនអ្នកស្លាប់នៅក្នុងប្រទេសមីយ៉ាន់ម៉ា បន្ទាប់ពីគ្រោះរញ្ជួយដីដ៏ខ្លាំងក្លាកាលពីសប្តាហ៍មុន បានកើនឡើងដល់ជាង ២,០០០នាក់ហើយ និងជិត ៤,០០០នាក់រងរបួស។ យោធានិយាយថាមនុស្សរាប់រយនាក់ផ្សេងទៀតមិនត្រូវបានរាប់បញ្ចូលនោះទេ។
គ្រោះរញ្ជួយដីកម្រិត ៧.៧រ៉ិចទ័រ បានវាយប្រហារភាគកណ្តាលនៃប្រទេសនៅជិតទីក្រុង Mandalay កាលពីថ្ងៃសុក្រសប្តាហ៍មុន។ ការរញ្ជួយដីបន្តបាននិងកំពុងរារាំងដល់កិច្ចខិតខំប្រឹងប្រែងជួយសង្គ្រោះ ហើយអគារដែលរងការខូចខាតយ៉ាងធ្ងន់ធ្ងរអាចប្រឈមនឹងហានិភ័យនៃការដួលរលំបន្តទៀត។
ប្រព័ន្ធផ្សព្វផ្សាយក្នុងស្រុកបានចែករំលែកវីដេអូពីអ្វីដែលហាក់ដូចជាផ្នែកខាងក្នុងនៃអគារអាផាតមិនមួយដែលបាក់រលំ។ ស្ត្រីចំណាស់ម្នាក់ និងចៅស្រីរបស់គាត់ ក្រោយមកត្រូវបានទាញចេញពីកំទេចកំទី។
អ្នកខ្លះបានទៅវត្តកាន់ព្រះពុទ្ធសាសនា។ ពួកគេកំពុងចូលរួមជាមួយអ្នកដែលបានជ្រកកោនរួចហើយ គឹប្រជាពលរដ្ឋដែល បានរត់គេចចេញពីការប្រយុទ្ធគ្នារវាងរបបយោធា និងកម្លាំងគាំទ្រលទ្ធិប្រជាធិបតេយ្យ។
ស្ត្រីម្នាក់បាននិយាយថា គ្រួសាររបស់នាងកំពុងដេកនៅខាងក្រៅពេលយប់។ នាងបន្ថែមថា គ្មានផ្កាឈូកដើម្បីធ្វើជាដំបូលជ្រោកកោននោះទេ ហើយបើមានភ្លៀង ឬខ្យល់ យើងគ្មានក៏កន្លែងផ្សេងទៀតដែរហើយយើងមិនដឹងទៅណាទេ។
រដ្ឋធានី Naypyitaw ស្ថិតនៅចម្ងាយប្រហែល ១៥០ គីឡូម៉ែត្រពីចំណុចកណ្តាលនៃការរញ្ជួយដីនេះ ប៉ុន្តែមិនមានការភ័យខ្លាចនោះទេ។ មីយ៉ាន់ម៉ាមានភាពវឹកវរចាប់តាំងពីយោធាឡើងកាន់អំណាចក្នុងរដ្ឋប្រហារជាងបួនឆ្នាំមុន។
ការងារសង្គ្រោះពីគ្រោះរញ្ជូយដីកំពុងត្រូវបានរារាំងដោយភាពចលាចលដែលកំពុងបន្ត។ ការខូចខាតក៏អាចត្រូវបានគេមើលឃើញនៅក្នុងតំបន់ប្រយុទ្ធមួយចំនួនផងដែរ។
ក្រុមគាំទ្រលទ្ធិប្រជាធិបតេយ្យមួយចំនួនបានសន្យាថានឹងផ្អាកការប្រយុទ្ធរយៈពេលពីរសប្តាហ៍ដើម្បីជួយដល់លំហូរនៃជំនួយអន្តរជាតិ។
នៅទីក្រុងបាងកក ប្រទេសជិតខាងប្រទេសថៃ អគារខ្ពស់ដែលកំពុងសាងសង់បានដួលរលំ។ មន្ត្រីក្នុងតំបន់បាននិយាយថា យ៉ាងហោចណាស់មនុស្ស ១២ នាក់បានស្លាប់ និងជាង ៧០ នាក់ទៀតកំពុងបាត់ខ្លួន។ ការសាងសង់លើអគារ៣៣ជាន់នេះបានចាប់ផ្តើមក្នុងឆ្នាំ២០២០ ហើយវាជាទីស្នាក់ការរបស់ភ្នាក់ងាររដ្ឋាភិបាល។ គម្រោងនេះជាការបណ្តាក់ទុនរួមគ្នារវាងក្រុមហ៊ុនក្នុងស្រុក និងក្រុមហ៊ុនរដ្ឋចិន។ចំណែកអគារផ្សេងទៀតមានស្លាកស្នាមពីការរញ្ជួយដី។ ទន្ទឹមនោះអាជ្ញាធរថៃបានបើកការត្រួតពិនិត្យសុវត្ថិភាពទ្រង់ទ្រាយធំ៕
ដោយ៖ ពេជ្រ
