យោងតាមផេកផ្លូវការរបស់សហព័ន្ធបាល់ទាត់ប្រទេសវៀតណាមបានបង្ហោះសារមួយ ដោយចាត់ទុកការប្រកួតមិត្តភាពជាមួយក្រុមជម្រើសជាតិកម្ពុជា គឺជាធ្វើសេត្តកីឡាកដ៏ស័ក្កសមមួយសម្រាប់ប្រទេសវៀតណាម ដើម្បីវាយតម្លៃគុណភាពខ្សែប្រយុទ្ធ ខ្សែបម្រើ និងខ្សែការពាររបស់ក្រុមខ្លួន ខណៈបច្ចុប្បន្ននេះកម្ពុជា សំបូរទៅដោយកីឡាករមានគុណភាព។
ចំណែកគ្រូបង្វឹកក្រុមជម្រើសជាតិវៀតណាមលោក Kim Sang Sik ជនជាតិកូរ៉េខាងត្បូង ក៏បាននិយាយថា ការប្រកួតមិត្តភាពជាមួយក្រុមជម្រើសជាតិកម្ពុជា គឺជាការប្រកួតមួយដ៏ល្អសម្រាប់ក្រុមជម្រើសជាតិវៀតណាម ពីព្រោះខាងកម្ពុជា មានកីឡាករល្អៗគុណភាពច្រើននៅតំបន់ការពារ បម្រើ និងប្រយុទ្ធ ឧទាហរណ៍ដូចជាកីឡាករ យូឌៃ គឺជាខ្សែបម្រើដ៏កម្រមួយរូបដែលមានគុណភាពនៅក្នុងតំបន់អាស៊ានយើង ហើយកីឡាករ ឃូលីបាលី ជាខ្សែប្រយុទ្ធជួរមុខគ្រោះថ្នាក់ និងកីឡាករ សៀង ចន្ធា ជាដើម។
សូមជម្រាបថា ក្រុមជម្រើសជាតិវៀតណាម និងប្រកួតមិត្តភាពអន្តរជាតិជាមួយក្រុមគោព្រៃកម្ពុជា នៅថ្ងៃទី១៩ ខែមីនា ឆ្នាំ២០២៥ នៅកីទ្បដ្ឋាន Go Dau Stadium ប្រទេសវៀតណាម វេលាម៉ោង៧៖៣០នាទីយប់។ ហើយតាមគម្រោងក្រុមគោព្រៃកម្ពុជា នឹងធ្វើដំណើរទៅប្រទេសវៀតណាមថ្ងៃទី១៧ ខែមីនា៕
