ថ្ងៃទី ១២ ខែកុម្ភៈ រាត្រីសមោសរអបអរសាទរបុណ្យហែអ្នកតាឆ្នាំ២០២៥នៃអគ្គស្ថានីយវិទ្យុនិងទូរទស្សន៍មជ្ឈិមចិនបានចាក់ផ្សាយដោយជោគជ័យ ក្នុងបរិយាកាសដ៏សប្បាយរីករាយនិងសិរីមង្គល ដែលបានបង្ហាញឱ្យឃើញនូវទិដ្ឋភាពក្នុងថ្ងៃបុណ្យដ៏សប្បាយរីករាយ ។ ប្រធានបទចំនួន១៦៨ត្រូវបានដាក់បញ្ចូលក្នុងតារាងស្វែងរកច្រើនបំផុតលើបណ្តាញអ៊ីនធឺណែត អ្នកប្រើបណ្តាញអ៊ីនធឺណែតបានវាយតម្លៃថា “ទស្សនារាត្រីសមោសរអបអរសាទរបុណ្យហែអ្នកតានៃអគ្គស្ថានីយវិទ្យុនិងទូរទស្សន៍មជ្ឈិមចិន នៅតែអាចមានអារម្មណ៍សប្បាយរីករាយក្នុងបុណ្យចូលឆ្នាំថ្មី” ។ល។ បុណ្យចូលឆ្នាំថ្មីប្រពៃណីចិនឆ្នាំម្សាញ់ជាបុណ្យចូលឆ្នាំថ្មីប្រពៃណីចិនលើកដំបូងបន្ទាប់ពីត្រូវបានដាក់បញ្ចូលក្នុងបញ្ជីបេតិកភណ្ឌវប្បធម៌អរូបីពិភពលោក ចាប់ពីរាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនដល់រាត្រីសមោសរអបអរសាទរបុណ្យហែអ្នកតានៃអគ្គស្ថានីយវិទ្យុនិងទូរទស្សន៍មជ្ឈិមចិន ខ្លឹមសារយ៉ាងជ្រាលជ្រៅរបស់វប្បធម៌ចិននិងការសម្តែងប្រកបដោយការច្នៃប្រឌិតថ្មី មិនត្រឹមតែបាននាំមកនូវភាពសប្បាយរីករាយនិងកកក្តៅដល់ទស្សនិកជនចិននិងបរទេសប៉ុណ្ណោះទេ ថែមទាំងបានក្លាយជាបង្អួចដ៏សំខាន់មួយសម្រាប់ឱ្យពិភពលោកស្វែងយល់ពីប្រទេសចិនផងដែរ ៕
