រាជធានីបាងកក ប្រទេសថៃ នៅថ្ងៃសុក្រនេះ បានជាប់ចំណាត់ថ្នាក់ទី ៧ ក្នុងបញ្ជីទីក្រុងដែលមានការបំពុលខ្លាំងបំផុតរបស់ពិភពលោកដែលគ្រប់គ្រងដោយទីភ្នាក់ងារត្រួតពិនិត្យខ្យល់អាកាស IQAir ។
យោងតាម ភ្នាក់ងារ IQAir បានឱ្យដឹងថា កម្រិតនៃសារធាតុបំពុល PM2.5 ដែលជាមីក្រូភាគល្អិតបង្កមហារីកតូចល្មមអាចចូលទៅក្នុងចរន្តឈាមតាមរយៈសួតបានឈានដល់ ៨៦ មីក្រូក្រាមក្នុងមួយម៉ែត្រគូប។
កម្រិតខ្ពស់នៃ PM2.5 ក៏ត្រូវបានកត់ត្រា នៅថ្ងៃសុក្រនេះ ក្នុងទីក្រុងភាគខាងជើងនៃឈៀងម៉ៃ និង Udon Thani ផងដែរ ៕
ដោយ៖ ពេជ្រ
