លោក Carlo Ancelotti គ្រូបង្វឹកក្រុម Real Madrid សង្ឃឹមថាម្ចាស់ជើងឯក Champions League នឹងជៀសផុតពីការចាប់ឆ្នោតទៅប្រកួតជាមួយក្រុម Manchester City ក្នុងវគ្គជម្រុះជុំចុងក្រោយ។
ជាការពិតណាស់ Real Madrid នឹងត្រូវប្រឈមមុខនឹង Man City ឬ Celtic ដើម្បីប្រជែងកៅអីក្នុងវគ្គ ១៦ ក្រុមចុងក្រោយ ដោយបានបញ្ចប់ក្នុងចំណាត់ថ្នាក់លេខ១១ ក្នុងតារាង ៣៦ ក្រុម បន្ទាប់ពីយកឈ្នះ ៣-០ នៅក្រៅដីកាលពីថ្ងៃពុធនៅលើទឹកដី Brest ។
យ៉ាងណាមិញក្រោយចប់ការប្រកួតលោក Ancelotti បានប្រាប់អ្នកយកព័ត៌មានថា “យើងមិនចង់លេងទល់នឹង Man City ទេ ប៉ុន្តែប្រសិនបើយើងត្រូវតែ យើងនឹងធ្វើវាដូចក្នុងឱកាសផ្សេងទៀត” ។ “Man City មានឱកាសច្រើនក្នុងការឈ្នះ Champions League ជាង Celtic ៕
