អត្តពលិកជាង១០០ នាក់បានបញ្ជូនមេដាយអូឡាំពិកទីក្រុងប៉ារីសឆ្នាំ 2024 របស់ពួកគេត្រលប់មកវិញ បន្ទាប់ពីមានសេចក្តីរាយការណ៍ថាបានខូចខាតឬច្រេះត្រឹមតែ៥ខែបន្ទាប់ពីបញ្ចប់ព្រឹត្តិការណ៍នេះ។
ការព្រួយបារម្ភអំពីគុណភាពមេដាយបានលេចឡើងក្នុងអំឡុងពេលព្រឹត្តិការណ៍នេះ នៅពេលដែលកីឡាករជិះស្គីជនជាតិអាមេរិក Nyjah Huston បានបង្ហាញថាមេដាយសំរឹទ្ធរបស់គេបានច្រេះក្នុងរយៈពេលត្រឹមតែ១សប្តាហ៍ប៉ុណ្ណោះ។ចាប់តាំងពីពេលនោះមក អត្តពលិកផ្សេងទៀតបានចែករំលែកភាពស្រដៀងគ្នានេះ រួមទាំងកីឡាករប្រដាល់អាមេរិក Nick Itkin និងកីឡាករបាល់ឱប Ilona Maher ផងដែរ។
យោងតាមកាសែតបារាំង La Lettre បានឲ្យដឹងថា ឥឡូវនេះអត្តពលិកជាង ១០០ នាក់បានប្រគល់មេដាយរបស់ពួកគេជូនគណៈកម្មាធិការរៀបចំព្រឹត្តិការណ៍អូឡាំពិកទីក្រុងប៉ារីសឆ្នាំ 2024 វិញ ។ ក្រុមការងារគ្រប់គ្រងរបស់ Monnaie de Paris ដែលជាក្រុមហ៊ុនទទួលបន្ទុកផលិតមេដាយត្រូវបានគេរាយការណ៍ថាត្រូវបានបណ្តេញចេញពីការងារបន្ទាប់ពីមានបញ្ហា។
មេដាយសម្រាប់កីឡាអូឡាំពិកទីក្រុងប៉ារីសឆ្នាំ 2024 ត្រូវបានរចនាឡើងដោយអ្នកគ្រឿងអលង្ការប្រណីតជនជាតិបារាំង Chaumet ។ មេដាយមាសនៅអូឡាំពិកជាធម្មតាធ្វើពីប្រាក់ស្រោបដោយមាស។ ចំណែកមេដាយសំរិទ្ធគឺជាការលាយបញ្ចូលគ្នារវាងទង់ដែង ស័ង្កសី និងសំណប៉ាហាំង។ ទង់ដែងកត់ត្រាតាមធម្មជាតិពេលប៉ះនឹងខ្យល់ និងសំណើម ហើយអត្រានៃការខូចខាតអាចកើតឡើង ប្រសិនបើវត្ថុធាតុដែលមានគុណភាពទាបត្រូវបានប្រើ៕
