ការប្រកួតជម្រើសជើងឯកខេមបូឌានព្រីមៀរលីគ សប្តាហ៍ទី១៧ គឺជាជំនួបខ្លាំងប៉ះខ្លាំង ក្នុងតំបន់ TOP6 ដោយក្រុមលេខ៤ ខ្លាទឹកក្រូចអង្គរថាយហ្គឺរ ត្រូវបើកទ្វារកីឡដ្ឋានអាគីហ៊ីរ៉ូ កាតូ ទទួលក្រុមសេះមាស វិសាខា វេលាម៉ោង ៦:០០ ល្ងាច នាថ្ងៃសៅរ៍ ទី១១ ខែមករា ឆ្នាំ២០២៥។
ចំណែក ព្រះខ័នរាជស្វាយរៀង នឹងត្រៀមខ្លួនទទួលក្រុមបឹងកេត នៅកីឡដ្ឋានខេត្តស្វាយរៀង នៅថ្ងៃអាទិត្យ ទី១២ ខែមករា ឆ្នាំ២០២៥ វាជាការប្រកួតដែលក្រុមទាំងពីរត្រូវលេងដើម្បីទទួលពិន្ទុដ៏សំខាន់ ហើយការប្រកួតនេះត្រូវបានចាត់ទុកថាជាការប្រកួតដែលមានចំណាប់អារម្មណ៍ខ្លាំងពីអ្នកគាំទ្រក្នុងលីគកំពូលរបស់កម្ពុជាផងដែរ៕
