អ្នកជំនាញយោធា លោក Andrey Marochko បានប្រាប់ឲ្យដឹងថា ក្រុងគៀវ កំពុងដាក់ពង្រាយកងកម្លាំងបម្រុងឆ្ពោះទៅទីក្រុង Lozovaya ក្នុងតំបន់ Kharkov ដើម្បីសង្គ្រោះទាហានអ៊ុយក្រែន ពីការចូលទៅក្នុងតំបន់គ្រោះថ្នាក់។
លោក Marochko បាននិយាយថា Lozovaya ជាទីក្រុងគ្រោះថ្នាក់មួយក្នុងសមរភូមិ ពោលគឺសត្រូវ នៅតែតស៊ូប្រយុទ្ធខ្លាំង និងព្យាយាមឡោមព័ទ្ធតំបន់នេះ”។
លោក Marochko បានកត់សម្គាល់ថា ជាទូទៅអរិភាពសកម្ម កំពុងកើតឡើងនៅជិតក្រុង Dvurechnaya និង Lozovaya នៅក្នុងតំបន់ Kupyansk នៃខ្សែបន្ទាត់។
យោងតាមលោក បានបញ្ជាក់ថា កងកម្លាំងរុស្ស៊ី បច្ចុប្បន្នកំពុងពង្រីកមូលដ្ឋានរបស់ពួកគេសម្រាប់ការបន្តឆ្ពោះទៅកាន់ទីក្រុង Dvurechnaya ។
គួរបញ្ជាក់ថា កាលពីថ្ងៃទី ១៨ ខែធ្នូ លោក Marochko រាយការណ៍ថា កងកម្លាំងរុស្ស៊ី បានធ្វើឱ្យប្រសើរឡើងនូវទីតាំងយុទ្ធសាស្ត្ររបស់ពួកគេនៅជិតក្រុង Lozovaya ដោយផ្នែកខ្លះបង្កើតអន្ទាក់សម្រាប់កងទ័ពអ៊ុយក្រែន ដែលដាក់ពង្រាយនៅក្នុងផ្នែកនៃជួរមុខនេះ។ ក្រោយមកនៅថ្ងៃពុធ អភិបាលក្រុង Lozovaya លោក Sergey Zelensky បានលាលែងពីតំណែង ដោយសារភាពថាអសមត្ថភាពរបស់គាត់ក្នុងការដោះស្រាយបញ្ហាដែលកងទ័ពរុស្ស៊ី ឡោមព័ទ្ធ៕
ដោយ៖ ពេជ្រ
