នៅវេលាម៉ោង៧៖០០នាទីយប់នេះក្រុមម្ចាស់ផ្ទះព្រះខ័នរាជស្វាយរៀង បន្តជួយក្រុម Ezra របស់ឡាវ សម្រាប់ការប្រកួតលើកទី២ ក្នុងវគ្គជម្រុះពានរង្វាន់ AFC Challenge League 2025/26 (ពូល D)នាពហុកីឡដ្ឋានជាតិមរតកតេជោ។
សម្រាប់ការប្រកួតទី១ របស់ព្រះខ័នរាជស្វាយរៀង បានយកឈ្នះលើក្រុម SP Falcons ដោយលទ្ធផល ៣-០ ខណៈក្រុម Ezra បានប្រកួតចាញ់ក្រុម Manila Digger របស់ហ្វីលីពីន ៣-១ ។ ចំណែការប្រកួតបិទពូលនៅថ្ងៃទី១ ខែវិច្ឆិកា ព្រះខ័នរាជស្វាយរៀង ប៉ះ Manila Digger លេងនៅម៉ោង៧ និង Ezra ជួប SP Falcons ម៉ោង៤រសៀល។
ដោយឡែក១គូទៀតពូល E ភ្នំពេញក្រោនតំណាងកម្ពុជា ប៉ះ Shan United របស់មីយ៉ាន់ម៉ា នៅម៉ោង៣រសៀល នៅប្រទេសឥណ្ឌូណេស៊ី។ ចំណែកការប្រកួតបើកឆាកភ្នំពេញក្រោន ប្រកួតស្មើជាមួយក្រុមម្ចាស់ផ្ទះ Dewa United ១-១ ខណៈ Shan United ចាញ់ Tainan City របស់តៃវ៉ាន់ ២-១៕
