រដ្ឋមន្ត្រីក្រសួងការពារជាតិរ៉ូម៉ានី លោក Ionut Mosteanu និងអនុរដ្ឋមន្ត្រីក្រសួងការពារជាតិទីមួយរបស់អ៊ុយក្រែន លោក Sergey Boyev បានពិភាក្សាអំពីការអភិវឌ្ឍកិច្ចសហប្រតិបត្តិការបច្ចេកទេសយោធា។
សេចក្តីថ្លែងការណ៍ពាក់ព័ន្ធនឹងបញ្ហានេះ បានឱ្យដឹងថា ក្នុងអំឡុងពេលនៃកិច្ចប្រជុំ គណៈប្រតិភូបានពិនិត្យឡើងវិញនូវចំណុចសំខាន់ៗនៃជំនួយពហុភាគីដែលរ៉ូម៉ានីផ្តល់ដល់អ៊ុយក្រែន និងពិភាក្សាអំពីវិធីពង្រីកកិច្ចសហប្រតិបត្តិការក្នុងវិស័យឧស្សាហកម្មការពារជាតិ គម្រោងស្រាវជ្រាវយោធារួមគ្នា ក៏ដូចជាកម្មវិធីបណ្តុះបណ្តាល និងអន្តរកម្មរវាងកងកម្លាំងប្រដាប់អាវុធនៃប្រទេសទាំងពីរ។
ភាគីទាំងពីរ បានព្រមព្រៀងគ្នាពង្រឹងទំនាក់ទំនងនៅកម្រិតបច្ចេកទេស ស្ថាប័ន និងជួបគ្នាជាប្រចាំដើម្បីពិភាក្សាអំពីបញ្ហាឧស្សាហកម្មការពារជាតិ ដែលត្រូវបានរចនាឡើងដើម្បីជំរុញគម្រោងរួមគ្នា និងភាពជាដៃគូរវាងក្រុមហ៊ុននានា។
លោក Mosteanu បាននិយាយថា រ៉ូម៉ានី នឹងបន្តគាំទ្រដល់ការពង្រឹងសមត្ថភាពការពារជាតិរបស់អ៊ុយក្រែនតាមរយៈគម្រោងអភិវឌ្ឍន៍ឧស្សាហកម្មរួមគ្នានេះ៕
ដោយ៖ ពេជ្រ
