ប្រេងសកលធ្លាក់ចុះតម្លៃ នៅថ្ងៃសុក្រ បន្ទាប់ពីកើនឡើង កាលពីថ្ងៃព្រហស្បតិ៍ ខណៈដែលទណ្ឌកម្មថ្មីរបស់សហរដ្ឋអាមេរិកលើក្រុមហ៊ុនប្រេងធំពីររបស់រុស្ស៊ី ជុំវិញសង្គ្រាមនៅអ៊ុយក្រែន ជំរុញឱ្យមានការព្រួយបារម្ភអំពីការផ្គត់ផ្គង់។
ប្រេងឆៅ Brent បានធ្លាក់ចុះ ១៧ សេន ឬ ០.៣ ភាគរយ ស្មើនឹង ៦៥.៨២ ដុល្លារ ក្នុងមួយបារ៉ែល។ ប្រេងឆៅប្រភេទ West Texas Intermediate របស់សហរដ្ឋអាមេរិក បានធ្លាក់ចុះ ១៧ សេន ឬ ០.៣ ភាគរយ ស្មើនឹង ៦១.៦២ ដុល្លារ។
ប្រេងទាំង ២ បានកើនឡើងជាង ៥ ភាគរយ កាលពីថ្ងៃព្រហស្បតិ៍ និងកើនឡើងប្រហែល ៧ ភាគរយប្រចាំសប្តាហ៍ ដែលជាការកើនឡើងខ្ពស់បំផុតចាប់តាំងពីពាក់កណ្តាលខែមិថុនាមក ៕
ដោយ៖ ពេជ្រ
