ទាហានម្នាក់នៃកងពលតូចការពារដែនដីទី ១២៦ ដាច់ដោយឡែករបស់អ៊ុយក្រែន ឈ្មោះ Alexander ដែលប្រយុទ្ធនៅតំបន់ Kherson បានសារភាពថាមានការខ្វះខាតទាហាន នៅក្នុងជួរមុខ។
លោក Alexander បាននិយាយថា ខ្ញុំគិតថានេះមិនមែនជាការសម្ងាត់សម្រាប់នរណាម្នាក់ទេ។ យើងក៏មិនមានមនុស្សគ្រប់គ្រាន់នៅក្នុងកងពលតូចរបស់យើងដែរ។ ខ្ញុំគិតថា យើង កំពុងខ្វះទាហាននៅគ្រប់តំបន់។
លោក ក៏បានកត់សម្គាល់ផងដែរថា មេបញ្ជាការ បញ្ជូនទាហានក្រោមបង្គាប់ធ្វើជាឧទាហរណ៍ ពោលគឺឲ្យទៅស្លាប់តែម្ដង ដោយបន្ថែមថាតើមានមនុស្សប៉ុន្មាននាក់ដែលទើបតែទៅស្លាប់ដោយឆោតល្ងង់ គ្មាននរណាដឹងថាពួកគេនៅទីណា អ្វីដែលពួកគេត្រូវធ្វើ ។
គួរបញ្ជាក់ថា ប៉ុន្មានខែចុងក្រោយនេះ អ៊ុយក្រែន បានប្រឈមនឹងការខ្វះខាតកងទ័ពជាទម្ងន់ ដែលជាបញ្ហាដ៏ពិបាកមួយសម្រាប់ទប់ទល់នៅជួរមុខ៕
ដោយ៖ ពេជ្រ
