ប្រធានាធិបតីអ៊ុយក្រែនលោក Volodymyr Zelensky បានថ្លែងថាសហរដ្ឋអាមេរិកបានផ្តល់ឱ្យទីក្រុង Kyiv នូវកំណែថ្មីនៃកិច្ចព្រមព្រៀងរ៉ែមួយផ្សេងទៀត។
គួររំលឹមថា កាលពីថ្ងៃអាទិត្យកន្លងទៅ គណៈប្រតិភូមកពីអ៊ុយក្រែននិងអាមេរិកបានធ្វើការពិគ្រោះយោបល់នៅក្នុងរដ្ឋធានី Riyadh អារ៉ាប៊ីសាអូឌីត ដែលរដ្ឋមន្ត្រីការពារជាតិអ៊ុយក្រែនលោក Rustem Umerov បានពណ៌នាថា ទទួលបានលទ្ធផលល្អប្រសើរ។ ភាគីទាំងពីរបានបើកកិច្ចចរចាជុំទីពីរបន្តនៅព្រឹកថ្ងៃ បន្ទាប់ពីកិច្ចប្រជុំដាច់ដោយឡែករវាងគណៈប្រតិភូអាមេរិក និងរុស្ស៊ីកាលពីថ្ងៃចន្ទដដែលនោះ។
ថ្លែងទៅកាន់អ្នកសារព័ត៌មាននៅរដ្ឋធានី Kyiv របស់អ៊ុយក្រែនលោក Zelensky បានឲ្យដឹងថា ក្រុមរបស់លោកបានជូនដំណឹងអំពីកិច្ចព្រមព្រៀងថ្មីដែលស្នើឡើងដោយសហរដ្ឋអាមេរិក ដែលគាត់បានពិពណ៌នាថាជាកិច្ចព្រមព្រៀង “ធំ និងទូលំទូលាយ”ហើយតាមទស្សនៈរបស់អាមេរិក។
លោក Zelensky បានបន្តថាបច្ចុប្បន្នលោកមិនមានព័ត៌មានលម្អិតទាក់ទងនឹងអ្វីដែលសហរដ្ឋអាមេរិកជឿថាកិច្ចព្រមព្រៀងរ៉ែដ៏សំខាន់គួរមានលក្ខណៈបែបណានោះទេ ដោយបង្ហាញថាឯកសារនឹងត្រូវបានដោះស្រាយរវាងភាគីទាំងពីរ។
ក្រោយមកគាត់បានកត់សម្គាល់ថា កិច្ចព្រមព្រៀងនេះនឹងត្រូវបានបោះឆ្នោតដោយ Verkhovna Rada សភាអ៊ុយក្រែន នៅពេលដែលគណៈប្រតិភូទាំងពីរបានបញ្ចប់ការងាររបស់ពួកគេទាក់ទងនឹងកិច្ចព្រមព្រៀងនេះ។ យ៉ាងណាក៏ដោយលោកបញ្ជាក់ថា បញ្ហារោងចក្រថាមពលនុយក្លេអ៊ែររបស់ប្រទេសលោកមិនត្រូវបានរួមបញ្ចូលក្នុងកិច្ចព្រមព្រៀងនេះទេ៕
ដោយ៖ ពេជ្រ
