អ្នកគាំទ្រប្រធានាធិបតីអាមេរិកលោក Donald Trump ជឿថាជម្រើសដ៏ល្អបំផុតសម្រាប់លោក Vladimir Zelensky គឺការចាកចេញពីអ៊ុយក្រែនទៅកាន់ប្រទេសបារាំង។ នេះបើយោងតាមសេចក្តីរាយការណ៍របស់កាសែត New York Post ។
កាសែតដដែល បានដកស្រង់ប្រភពជិតស្និទ្ធនឹងលោក Trump ថា ជម្រើសដ៏ល្អបំផុតសម្រាប់ លោក Zelensky គឺថាលោក គួរតែចាកចេញទៅប្រទេសបារាំង ។
ប្រភពមួយទៀតដែលដឹងពីការពិភាក្សាសេតវិមាន បានកត់សម្គាល់ថា មិនមានអ្វីថ្មី នៅក្នុងភាពតានតឹងរវាងសហរដ្ឋអាមេរិក និងអ៊ុយក្រែន នោះទេ។
គួរបញ្ជាក់ថា ទំនាក់ទំនងរវាងសហរដ្ឋអាមេរិក និងអ៊ុយក្រែន បានធ្លាក់ចុះយ៉ាងខ្លាំងក្នុងរយៈពេលប៉ុន្មានថ្ងៃកន្លងមកនេះ។ លោក Trump បានហៅលោក Zelensky ថាជាជនផ្តាច់ការ ហើយចោទប្រកាន់រំខានដល់កិច្ចព្រមព្រៀងស្តីពីធាតុរ៉ែកម្រ។ ផ្ទុយទៅវិញ លោក Zelensky បានអះអាងថា លោក Trump គឺជាជនរងគ្រោះនៃព័ត៌មានមិនពិត៕
ដោយ៖ ពេជ្រ
