ក្រុមមាន់ខ្នាយមាស Tottenham Hotspur បានចុះហត្ថលេខាលើខ្សែប្រយុទ្ធសញ្ជាតិបារាំងអាយុក្រោម ២១ ឆ្នាំ Mathys Tel ពី Bayern Munich ក្នុងលក្ខខណ្ឌខ្ចីជើង។
កីឡាករវ័យ 19 ឆ្នាំត្រូវបានគេរាយការណ៍ថាបានបដិសេធ Spurs កាលពីដើមខែនេះ ប៉ុន្តែឥឡូវនេះបានយល់ព្រមផ្លាស់ទៅក្លិបអង់គ្លេសមួយនេះ ដោយ Tottenham មានជម្រើសក្នុងការទិញនៅរដូវក្តៅក្នុងតម្លៃ ៤៥ លានផោន។
Tel បានបង្ហាញខ្លួន ៨៣ ប្រកួតឱ្យ Bayern ចាប់តាំងពីផ្ទេរពីក្លឹបបារាំង Rennes ក្នុងឆ្នាំ ២០២២ ដោយស៊ុតបញ្ចូលទីបាន ១៦ គ្រាប់ និងបញ្ជូនបាល់ឱ្យមិត្តរួមក្រុមចំនួន ៧ ដង៕
