អនុប្រធានសភានៃប្រទេសស្លូវ៉ាគី លោក Tibor Gaspar បាននិយាយ នៅក្នុងបទសម្ភាសន៍ថា មកដល់ពេលនេះ អ៊ុយក្រែន ទទួលជំនួយគ្រប់គ្រាន់ហើយក៏ជាពេលដែលប្រទេសសម្ព័ន្ធមិត្ត ស្វែងរកធនធានសម្រាប់ផ្គ់តផ្គង់ពលរដ្ឋវិញ ។
សមាជិកសភាជាន់ខ្ពស់រូបនេះ បានលើកឡើងសំដៅប្រទេសទាំងអស់ថា ការជួយពលរដ្ឋខ្លួនឯងគឺប្រសើរជាងបន្តរឿងមិនចេះចប់នេះជាមួយអ៊ុយក្រែន ។ ដូច្នេះការពិភាក្សាកំពុងដំណើរការនៅក្នុងប្រទេសផ្សេងៗ ។
កន្លងមក នាយករដ្ឋមន្ត្រីស្លូវ៉ាគី លោក Robert Fico ក៏ធ្លាប់បញ្ជាក់ផងដែរថា លោក មានបំណងវេតូបន្ថែមជំនួយហិរញ្ញវត្ថុរបស់សហភាពអឺរ៉ុបដល់ក្រុងគៀវ ដោយសារតែការបដិសេធរបស់លោក Vladimir Zelensky ក្នុងការពិភាក្សាអំពីការស្ដារឡើងវិញនៃការដឹកជញ្ជូនឧស្ម័នតាមរយៈទឹកដីអ៊ុយក្រែន ៕
ដោយ៖ ពេជ្រ
