លោកប្រធានាធិបតី ចូ បៃដិន បានអំពាវនាវពលរដ្ឋអាមេរិកឱ្យឈរគាំទ្ររបបផ្តាច់ការដ៏គ្រោះថ្នាក់ក្រោមអំណាចលោក ដូណាល់ ត្រាំ អំឡុងថ្លែងសុន្ទរកថាចុងក្រោយ មុនពេលចុះចេញពីតំណែងសប្តាហ៍ក្រោយ។
នៅក្នុងសុន្ទរកថាដំបូងពីការិយាល័យ Oval នៅចុងបញ្ចប់នៃអាណត្តិរបស់លោក ប្រធានាធិបតីវ័យ ៨២ ឆ្នាំរូបនេះ បានព្រមានអំពីទំហំឧស្សាហកម្មបច្ចេកវិទ្យាដ៏សម្បូរបែបដែលមិនអាចគ្រប់គ្រងប្រជាជនគ្រប់គ្រង។
លោក បៃដិន បាននិយាយថា សព្វថ្ងៃនេះ របបផ្តាច់ការកំពុងលេចឡើងនៅអាមេរិកនៃទ្រព្យសម្បត្តិ អំណាច និងឥទ្ធិពលដ៏ខ្លាំង ដែលគំរាមកំហែងដល់លទ្ធិប្រជាធិបតេយ្យរបស់យើងទាំងស្រុង។
ទន្ទឹមនោះ លោក បៃដិន ក៏បានរិះគន់ចំពោះស្ថាបនិកក្រុមហ៊ុន Space Xលោក Elon Musk និងស្ថាបនិកក្រុមហ៊ុន Meta លោក Mark Zuckerberg ផងដែរ។
លោក បានបន្ថែមថា ពលរដ្ឋអាមេរិក កំពុងរស់នៅក្រោមការបំផ្លិចបំផ្លាញនៃព័ត៌មានមិនពិត ដែលអនុញ្ញាតឱ្យមានការរំលោភបំពានអំណាច។
ជាមួយគ្នានោះ លោក បានព្រមានអំពីគ្រោះថ្នាក់នៃបច្ចេកវិទ្យា AI ដោយនិយាយថា អាមេរិក ត្រូវតែដឹកនាំលើប្រទេសចិន ផ្នែកបច្ចេកវិទ្យា។
គួរបញ្ជាក់ថា លោក ចូ បៃដិន បានថ្លែងសុន្ទរកថាលើកចុងក្រោយរបស់លោក មុននឹងចុះចេញពីតំណែងផ្លូវការ ដែលជំនួសវិញដោយលោក ដូណាល់ ត្រាំ ៕
ដោយ៖ ពេជ្រ
