ការប្រកួតជម្រើសជើងឯកខេមបូឌានព្រីមៀរលីគឬ Cambodian Premier League ឆ្នាំ២០២៤/២៥ បានវិលត្រឡប់មកវិញហើយ សម្រាប់សបា្ដហ៍ទី១៣ ជើងទី២ ក្រោយបញ្ចប់ការប្រកួត FIFA Day ។
សម្រាប់ការប្រកួតថ្ងៃសុក្រ ទី២២ ខែវិច្ឆិកា ឆ្នាំ២០២៤ នេះ គឺជាការជួបរវាងក្រុមឡាយហ្វ ខេត្តព្រះសីហនុ ប៉ះ សមាគមបាលទាត់ក្រសួងមហាផ្ទៃ នៅកីឡដ្ឋាន ឡាយហ្វ វេលាម៉ោង១៨៖០០នាទីរសៀល។ ក្រុមទាំងពីរនេះបានបញ្ចប់ក្នុងលទ្ធផល ១-១ កាលពីប្រកួតជើងទី១។ ដូច្នេះយើងរង់ចាំមើលថាតើ ក្រុមណានឹងដណ្ដើមបាន៣ពិន្ទុក្នុងជើងទី២នេះ។
សូមជម្រាបថា គិតត្រឹមសប្ដាហ៍ទី១២ ក្រុមឡាយហ្វ ឈរនៅលេខ៩ ក្នុងតារាង CPL ដោយមាន៥ពិន្ទុ ក្រោយឆ្លងកាត់១០ប្រកួត ខណៈសមាគមបាលទាត់ក្រសួងមហាផ្ទៃ ឈរលេខ១០ មាន៤ពិន្ទុ ក្រោយឆ្លងកាត់១០ប្រកួតដូចគ្នា៕
