ក្រុមម្ចាស់ផ្ទះមាន់ខ្នាយមាស Tottenham Hotspur បានយកឈ្នះក្រុមភ្ញៀវ Liverpool ១ទល់នឹង០ ក្នុងជើងទី១ នៃវគ្គ ៤ក្រុមចុងក្រោយពានរង្វាន់ League Cup 2024-25 ក្នុងប្រកួតដែល Rodrigo Bentancur ត្រូវបានបញ្ជូនទៅមន្ទីរពេទ្យ ក្រោយរងរបួសក្បាលជាទម្ងន់។
គ្រាប់បាល់ជ័យជម្នះរបស់ម្ចាស់ផ្ទះមាន់ខ្នាយមាស Spurs ធ្វើបានសម្រេចដោយកីឡាករ Lucas Bergvall ចុងម៉ោង មុនធ្វើដំណើរទៅទឹកដី Anfield សម្រាប់ជើងទី២ វិញនាថ្ងៃទី០៧ ខែកុម្ភៈ ឆ្នាំ២០២៥។
ដោយឡែកកីឡាករអន្តរជាតិអ៊ុយរ៉ាហ្គាយ Bentancur ត្រូវបានសែងចេញពីទីលាន បន្ទាប់ពីលេងទើបបាន ៦នាទីប៉ុណ្ណោះ ដោយសាររងរបួសក្បាលនៅពេលព្យាយាមតែតបាល់ចេញពីជ្រុង៕
