គិតត្រឹមថ្ងៃទី១៦ ខែវិច្ឆិកា ឆ្នាំ២០២៥ម្សិលមិញ ក្រុមអត្តពលិកហែលទឹកពាក់ជើងទាកម្ពុជា ដណ្ដើមបានមេដាយចំនួន៣គ្រឿងហើយពីព្រឹត្តិការណ៍ប្រកួតកីឡាហែលទឹកពាក់ជើងទាជ្រើសរើសជើងឯកអាស៊ីអាគ្នេយ៍ លើកទី២ ឆ្នាំ២០២៥ (The 2025 CMAS 2nd South East Asia Championship Finswimming Indoor)នៅហ្សារកាតា ប្រទេសឥណ្ឌូណេស៊ី រួមមានមេដាយប្រាក់១គ្រឿង និងមេដាយសំរឹទ្ធ២គ្រឿង។
មេដាយមេដាយសំរឹទ្ធទី១ រកបានដោយកីឡាករ លឹម សុខវឌ្ឍន៍នន្ទ, កីឡាករ ឆោម ច័ន្ទថន, កីឡាករ ទួន ទិត្យសត្យា, និងកីឡាករ លឹម នរវិទូ លើវិញ្ញាសា ៤x១០០ម៉ែត្រ ហែលបណ្តាក់របៀប Surface សម្រាប់ថ្ងៃប្រកួតទី១ ត្រូវនឹងថ្ងៃទី១៦ ខែវិច្ឆិកា ឆ្នាំ២០២៥។ មេដាយមេដាយសំរឹទ្ធទី២ រកបានដោយកីឡាករ លឹម សុខវឌ្ឍន៍នន្ទ លើវិញ្ញាសា ១៥០០ម៉ែត្រ ហែលរបៀប Surface ។ ចំណែកមេដាយប្រាក់ រកបានដោយកីឡាការិនី កាំង មុយនីន លើវិញ្ញាសា ៤០០ម៉ែត្រ ហែលរបៀប Bi-Fins ។
សូមជម្រាបថាព្រឹត្តិការណ៍ប្រកួតកីឡាហែលទឹកពាក់ជើងទា ជ្រើសរើសជើងឯកអាស៊ីអាគ្នេយ៍ លើកទី២ ឆ្នាំ២០២៥ (The 2025 CMAS 2nd South East Asia Championship Finswimming Indoor) បានប្រព្រឹត្តទៅចាប់ពីថ្ងៃទី១៥ ដល់ថ្ងៃទី១៩ ខែវិច្ឆិកា ឆ្នាំ២០២៥ នៅហ្សារកាតា ប្រទេសឥណ្ឌូណេស៊ី ដោយក្នុងសហព័ន្ធខ្មែរកីឡាហែលទឹកកម្ពុជា បានបញ្ជូនកិឡាករ-កីឡាការិនី សរុបចំនួន៦រូបរួមមាន៖ ៤. កញ្ញា កាំង មុយនីន កញ្ញា ឃឺន ប៊ុនពេជ្រមរកត លោក លឹម សុខវឌ្ឍន៍នន្ទ លោក ឆោម ច័ន្ទថន លោក ទួន ទិត្យសត្យា
និងលោក លឹម នរវិទូ កីឡាករ៕
