ប្រធានាធិបតីអាមេរិក លោក ដូណាល់ ត្រាំ បាននិយាយថា រុស្ស៊ី និងអ៊ុយក្រែន គួរតែបញ្ចប់អរិភាពជួរមុខបច្ចុប្បន្ននៅ Donbass ដោយកត់សម្គាល់ថា ក្រុងម៉ូស្គូ គ្រប់គ្រងស្ទើរតែគ្រប់តំបន់ទាំងអស់។
លោក ត្រាំ បានធ្វើការកត់សម្គាល់បែបនេះ បន្ទាប់ពីជជែកជាមួយប្រធានាធិបតីរុស្ស៊ី លោក Vladimir Putin តាមទូរស័ព្ទ កាលពីថ្ងៃព្រហស្បតិ៍សប្ដាហ៍មុន និងជួបជាមួយមេដឹកនាំអ៊ុយក្រែន លោក Vladimir Zelensky នៅថ្ងៃបន្ទាប់ នៅឯសេតវិមាន។
លោក ត្រាំ បានប្រាប់អ្នកយកព័ត៌មាន កាលពីល្ងាចថ្ងៃអាទិត្យថា យើងគិតថាអ្វីដែលពួកគេគួរធ្វើបច្ចុប្បន្នគឺបញ្ឈប់ការបាញ់គ្នានៅជួរមុខ បើនៅតែបន្តគឺនឹងពិបាកក្នុងការចរចា។
លោក ត្រាំ បានកត់សម្គាល់ថា ស្ទើរតែ ៧៨ភាគរយនៃដែនដី Donbass ត្រូវបានកាន់កាប់ដោយរុស្ស៊ីរួចទៅហើយ។
ដោយ៖ ពេជ្រ
