ប្រព័ន្ធផ្សព្វផ្សាយបានរាយការណ៍ កាលពីថ្ងៃអង្គារថា ប្រទេសអេស្ប៉ាញ បានលុបចោលកិច្ចសន្យាការពារជាតិជិត ១ ពាន់លានអឺរ៉ូ (១.១៨ ពាន់លានដុល្លារ) ជាមួយក្រុមហ៊ុនអ៊ីស្រាអែល ដែលជាវិធានការខ្លាំងបំផុត ដែលបានប្រកាសថ្មីរបស់លោកនាយករដ្ឋមន្ត្រី Pedro Sanchez ប្រឆាំងនឹងក្រុងហ្សេរុយសាឡឹមខាងលិច។
ជំហាននេះធ្វើឡើងតាមការសន្យារបស់លោក Sanchez កាលពីសប្តាហ៍មុន ដើម្បីដាក់ច្បាប់ហាមឃាត់ការលក់អាវុធទៅឱ្យ និងការទិញពីអ៊ីស្រាអែល ជុំវិញការវាយលុកនៅតំបន់ហ្គាហ្សា។
ទន្ទឹមនោះ ក្រសួងការពារជាតិអេស្បាញ ត្រូវបានគេរាយការណ៍ថា បានលុបចោលកិច្ចព្រមព្រៀងតម្លៃ ៧០០ លានអឺរ៉ូ (៨២៦ លានដុល្លារ) សម្រាប់ការបាញ់រ៉ុក្កែត SILAM ចំនួន ១២ គ្រឿង និងកិច្ចសន្យា ២៨៧.៥ លានអឺរ៉ូ (៣៣៩ លានដុល្លារ) សម្រាប់ 168 Spike L.R. មីស៊ីលប្រឆាំងរថក្រោះ, ប្រព័ន្ធ SILAM ដែលផ្អែកលើវេទិកា Elbit PULS របស់អ៊ីស្រាអែល នឹងត្រូវសាងសង់ដោយសម្ព័ន្ធអេស្ប៉ាញ នេះបើយោងតាមទីភ្នាក់ងារសារព័ត៌មាន EFE ។
ការលុបចោលនេះ ត្រូវបានគេរំពឹងថា នឹងបញ្ចប់នៅសប្តាហ៍ក្រោយ ខណៈដែលរដ្ឋាភិបាលក្រុងម៉ាឌ្រីដ ក៏កំពុងរៀបចំដើម្បីផ្តាច់ផ្នែកយោធា និងបច្ចេកវិទ្យាពីអ៊ីស្រាអែល។
គួរបញ្ជាក់ថា ការសម្រេចចិត្តនេះ ធ្វើឡើងនៅពេលដែលអ៊ីស្រាអែល បង្កើនការវាយលុកលើហ្គាហ្សា ក្នុងគោលបំណងដណ្តើមយកនូវអ្វីដែលខ្លួនថាជាទីតាំងរឹងមាំចុងក្រោយរបស់ក្រុមហាម៉ាស។ គណៈរដ្ឋមន្ត្រីសន្តិសុខ បានអនុម័តផែនការនេះ កាលពីខែមុន ដោយស្វែងរកការកាន់កាប់តំបន់នេះ៕
ដោយ៖ ពេជ្រ
