ប្រធានាធិបតីលោក ដូណាល់ ត្រាំ បាននិយាយថា យោធាអាមេរិក បានកម្ទេចទូកគ្រឿងញៀនមកពីវ៉េណេស៊ុយអេឡាជាថ្មីដែលចោទប្រកាន់ថា ធ្វើដំណើរក្នុងដែនទឹកអន្តរជាតិ តាមផ្លូវគោលដៅឆ្ពោះទៅកាន់សហរដ្ឋអាមេរិក។
លោក ត្រាំ បានលើកឡើង កាលពីថ្ងៃចន្ទថា មនុស្ស ៣ នាក់ទៀត ត្រូវបានសម្លាប់នៅក្នុងការវាយប្រហារលើក្រុមជួញដូរគ្រឿងញៀនដោយហិង្សាជាលើកទី ២ នេះ។ លោក មិនបានផ្តល់ភស្តុតាងថាទូកនោះដឹកគ្រឿងញៀនប៉ុន្មាននោះទេ។
ទន្ទឹមនោះ មេដឹកនាំវ៉េណេស៊ុយអេឡា លោក Nicolás Maduro បានប្ដេជ្ញាថា នឹងការពារខ្លួនប្រឆាំងការឈ្លានពានណាមួយរបស់អាមេរិក ។
គួរបញ្ជាក់ថា ភាពតានតឹងរវាងប្រទេសទាំង ២ បានកើនឡើងបន្ទាប់ពីសហរដ្ឋអាមេរិក ដាក់ពង្រាយនាវាចម្បាំងទៅកាន់ភាគខាងត្បូងការ៉ាប៊ីនលើអ្វីដែលក្រុមមន្ត្រី ហៅថាជាប្រតិបត្តិការប្រឆាំងគ្រឿងញៀន ដោយវាយប្រហារសម្លាប់មនុស្ស ១១ នាក់ កាលពីពេលថ្មីៗនេះ៕
ដោយ៖ ពេជ្រ
