បន្ទាយមានជ័យ៖ នៅរសៀលថ្ងៃទី១០ ខែកញ្ញា ឆ្នាំ២០២៥ លោក អ៊ុំ រាត្រី ប្រធានគណៈកម្មាធិការសាខា បានដឹកនាំសមាជិកគណៈកម្មាធិការសាខា អនុសាខា និងអ្នកស្ម័គ្រចិត្តកាកបាទក្រហមកម្ពុជា នាំយកនូវអំណោយមនុស្សធម៌ របស់សាខាទៅសួរសុខទុក្ខ គ្រួសារក្រីក្រដែលមានជីវភាពខ្វះខាតចំនួន ២៤៦គ្រួសារ មកពីបួនភូមិ រួមមានភូមិផ្លូវបំបែក ភូមិបន្ទាយមានរិទ្ធ ភូមុត្រពាំងសំរោង និងភូមិសាមគ្គី នៃឃុំគោករមៀត ស្រុកថ្មពួក។ ចំពោះគ្រួសារក្នុងភូមិទាំងបួននេះ ពួកគាត់នៅតាមច្រកព្រំដែន ជាមួយប្រទេសថៃក្នុងកំឡុងពេលនេះពួកគាត់ បច្ចុប្បន្នមានភាពខ្វះខាត ទេីបសាខា មានការឆ្លើយតបឲ្យបានទាន់ពេលវេលា។ ទីតាំងចែកចាយនៅក្នុងបរិវេណផ្សារបឹងត្រកួន ឃុំគោករមៀតស្រុកថ្មពួក។
លោក អ៊ុំ រាត្រី បានមានប្រសាសន៍ផ្តាំផ្ញើសាកសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុនរ៉ានីហ៊ុនសែន ប្រធានកាកបាទក្រហមកម្ពុជា រួមនឹងលោកជំទាវបណ្ឌិត ពេជ្រចន្ទមុនី ហ៊ុនម៉ាណែត អនុប្រធានអចិន្ត្រៃយ៍កាកបាទក្រហមកម្ពុជា ដែលជានិច្ចកាល សម្ដេចនិងលោកជំទាវបណ្ឌិត តែងតែ គិតគូរពីសុខទុក្ខរបស់បងប្អូនជានិច្ច ដោយពុំទុកឲ្យនរណាម្នាក់ស្លាប់ដោយអត់អាហារនោះឡើយ ។ ឯកឧត្តម អ៊ុំរាត្រី បានបន្តថា បងប្អូនប្រជាពលរដ្ឋដែលមកទទួលអំណោយមនុស្សធម៌នៅទៅនេះ បច្ចុប្បន្នកំពុងជួបការលំបាកផ្នែកជីវភាព ពុំបានប្រកបរបររកស៊ីអាជីវកម្មប្រចាំថ្ងៃនោះឡើយ ដោយសារតែមូលហេតុតំបន់នេះ ជាតំបន់ជាប់ព្រំប្រទល់នៃប្រទេសសៀម ហេីយពពួកចោសៀមកំពុងឈ្លានពាន ហ៊ុំបន្លាលួសព័ទ្ធ គំរាមកំហែងបញ្ឆេះកំហឹង ហ្នឹងមានមហិច្ឆតាឈ្លានពានរំលោភលើការឈប់បាញ់ជាដើម។
លោក អ៊ុំ រាត្រី បានធ្វើការអំពាវនាវ ដល់បងប្អូនប្រជាពលរដ្ឋខ្មែរទាំងអស់ សូមចូលរួមជាកម្លាំងមហាសាមគ្គី ជាធ្លុងមួយទប់ស្កាត់ការរុញច្រានពួកសៀមឈ្លានពានទឹកដី ហើយក៏សុំឲ្យបងប្អូនប្រជាពលរដ្ឋយើងជឿទុកចិត្តលើរាជរដ្ឋាភិបាល ជាដែលមានសម្តេចតេជោហ៊ុនសែនជាប្រធានព្រឹទ្ធសភានិង សម្ដេចម ហាប្រវត្តិធិបតីហ៊ុនម៉ាណែតជានាយករដ្ឋមន្ត្រីនៃព្រះរាជាណាចក្រកម្ពុជា។
លោកបានបញ្ជាក់ថា ក្រោយការចូលជាធរមាននៃបទឈប់បាញ់រវាងកងទ័ពកម្ពុជានិងកងទ័ពសៀម ដែលបានឯកភាពគ្នានៅប្រទេសម៉ាឡេស៊ីកាលពីថ្ងៃទី២៨ ខែកក្កដាឆ្នាំ ២០២៥ កន្លងទៅកម្លាំងរបស់យើងស្ថិតនៅក្នុងការប្រុងប្រយ័ត្នក្នុងការអនុវត្តតួនាទីរបស់ខ្លួនច្បាស់លាស់ពេញលេញរឹងមាំគោរពយ៉ាងម៉ឺងម៉ាត់បំផុតលើលក្ខខណ្ឌនៃការឈប់បាញ់ក៏ប៉ុន្តែពួកចោរសៀមនៅតែបន្តរំលោភរាយបន្លាលួសដេញ ប្រជាពលរដ្ឋធ្វើទុក្ខបុកម្នេញ មិនឲ្យយើង បានសុខនោះឡើយ។ អំណោយដែលសាខានាំមកពេលនេះសម្រាប់មួយគ្រួសារៗទទួលបាន÷អង្ករ២៥គីឡូក្រាម ,មីខ្លាឃ្មុំ២៥កញ្ចប់,ទឹកស៊ីអ៊ីវ១យួរ,មុង១,ភួយ១និងថវិកាមួយចំនួនផងដែរ៕
