ប្រធានាធិបតីសហរដ្ឋអាមេរិក លោក ដូណាល់ ត្រាំ បាននិយាយកាលពីថ្ងៃសុក្រថា ប្រធានាធិបតីចិន លោក Xi Jinping ប្រាប់លោកថា ប្រទេសចិន នឹងមិនធ្វើការបំពានណាមួយទៅលើកោះតៃវ៉ាន់នោះទេ ក្នុងស្ថានភាពពេលនេះ។
លោក ត្រាំ បានលើកឡើងបែបនេះ មុនពេលការពិភាក្សាជាមួយប្រធានាធិបតីរុស្ស៊ីលោក Vladimir Putin ជុំវិញស្ថានភាពជម្លោះនៅអ៊ុយក្រែន។
លោក ត្រាំ បញ្ជាក់ថា លោក បានប្រាប់ចិនថានឹងមិនឱ្យមានរឿងដូចអ៊ុយក្រែន នៅកោះតៃវ៉ាន់នោះទេ។
ទន្ទឹមនោះ លោក ត្រាំ ថា លោក Xi បានឆ្លើយតបថា ដរាបណា ត្រាំ នៅជាប្រធានាធិបតីនោះរឿងនេះនឹងមិនកើតឡើងទេ។
គួរបញ្ជាក់ថា ភាពតានតឹងរវាងចិន និងតៃវ៉ាន់ ក៏ជាក្ដីកង្វល់មួយផងដែរ ខណៈកន្លងមកទីក្រុងប៉េកាំង តែងតែទាមទារដែនកោះមួយនេះថាជាទឹកដីរបស់ខ្លួន៕
ដោយ៖ ពេជ្រ
