ប្រធានាធិបតីអាមេរិក លោក ដូណាល់ ត្រាំ បាននិយាយថា បេសកជនពិសេសរបស់ប្រធានាធិបតីអាមេរិក លោក Steve Witkoff នឹងធ្វើដំណើរទៅកាន់ប្រទេសរុស្ស៊ី នៅថ្ងៃពុធ ឬថ្ងៃព្រហស្បតិ៍ សប្ថាហ៍នេះហើយ។
លោក Trump បានប្រាប់អ្នកយកព័ត៌មានថា នៅថ្ងៃពុធ ឬថ្ងៃព្រហស្បតិ៍ លោក Witkoff អាចនឹងទៅប្រទេសរុស្ស៊ី។ លោក នឹងចាកចេញពីមជ្ឈឹមបូព៌ាទៅកាន់ទីនោះស្វែងរកសន្តិភាពនៃសង្គ្រាមអ៊ុយក្រែន។
លោក ត្រាំ ក៏បានបញ្ជាក់ផងដែរថា លោក អាចនឹងដាក់ទណ្ឌកម្មលើប្រទេសរុស្ស៊ី នៅថ្ងៃទី ៩ ខែសីហា បើមិនសម្រេចកិច្ចព្រមព្រៀងស្តីពីការដោះស្រាយវិបត្តិអ៊ុយក្រែន។
លោក បានកត់សម្គាល់ថា បើរុស្ស៊ី ចង់គេចពីការដាក់ទណ្ឌកម្ម ជម្រើសតែមួយនោះគឺសម្រេចបានកិច្ចព្រមព្រៀងឈប់សម្លាប់មនុស្ស។
គួរបញ្ជាក់ថា លោក ត្រាំ ព្រមានរឹតបន្តឹងទណ្ឌកម្មលើរុស្ស៊ី ដើម្បីសម្រេចបាននូវការបញ្ចប់សង្គ្រាមទាំងស្រុងនៅអ៊ុយក្រែន ទោះស្ថានភាពមើលទៅហាក់មិនរីកចម្រើនក៏ដោយ៕
ដោយ៖ ពេជ្រ
