វិទ្យាស្ថានបន្ទុះភ្នំភ្លើង និងរញ្ជួយដីហ្វីលីពីន នៅថ្ងៃពុធនេះ បានព្រមានពលរដ្ឋនៅតាមតំបន់ឆ្នេរមហាសមុទ្រប៉ាស៊ីហ្វិក ពីរលកយក្សស៊ូណាមិ ដែលមានកម្ពស់តិចជាង ១ ម៉ែត្រ។
ការព្រមាននេះ បានកើតឡើង បន្ទាប់ពីគ្រោះរញ្ជួយដីដ៏ខ្លាំងក្លាដែលវាយប្រហារក្នុងប្រទេសរុស្ស៊ី។
ដោយផ្អែកលើការគណនារង្វាស់រ៉ិចទ័រ និងគំរូរលកយក្សស៊ូណាមិនៅក្នុងមជ្ឈមណ្ឌលនេះ បានព្រមានរលកយក្សស៊ូណាមិប៉ាស៊ីហ្វិក ដែលវិទ្យាស្ថាន បញ្ជាក់ថា រលកយក្សស៊ូណាមិដំបូងគេរំពឹងថានឹងវាយប្រហារ នៅចន្លោះម៉ោង ១ និង ២០ នាទី និងម៉ោង ២ និង ៤០ នាទីរសៀល ថ្ងៃពុធនេះ។
វិទ្យាស្ថាន ក៏បានចេញការព្រមានដល់សាធារណជនឱ្យប្រុងប្រយ័ត្នចំពោះគ្រោះធម្មជាតិនេះ ជាពិសេសអ្នកនៅក្បែរតំបន់ឆ្នេរសមុទ្រតែម្ដង៕
ដោយ៖ ពេជ្រ
