នៅព្រឹកថ្ងៃទី១៩ ខែកក្កដានេះ លោក ពុយ គា ប្រធានក្លិបអ្នកកាសែតកម្ពុជា និងលោក លាង ដឺលុច នាយប្រតិបត្តិបានចែករំលែកបទពិសោធន៍ក្នុងការយកព័ត៌មានអំពីគម្រោងអភិវឌ្ឍរបស់ប្រទេសចិននៅកម្ពុជានៅក្នុងក្របខណ្ឌនៃគំនិតផ្ដួចផ្ដើមផ្លូវនិងខ្សៃក្រវាត់ (BRI) របស់លោកប្រធានាធិបតី ស៊ី ជិនពីង។ ការចែករំលែកបទពិសោធន៍នោះធ្វើទ្បើងនៅក្នុងវេទិកាអន្តរជាតិដែលត្រូវបានរៀបចំនៅទីក្រុង ហ្កាន់ចូ (Ganzhou) នៃខេត្តជាំងស៊ី ប្រទេសចិន។
អ្នកកាសែតអន្តរជាតិ និងអ្នកកាសែតជនជាតិចិនសរុបជាង២០០នាក់បានជួបជុំគ្នានៅក្នុងវេទិកានេះដើម្បីចែករំលែកបទពិសោធន៍ពីប្រទេសនីមួយៗ អនុសាសន៍នានាដើម្បីពង្រឹង និងលើកកម្ពស់សហប្រតិបត្តិការឱ្យកាន់តែមានប្រសិទ្ធភាពរវាងអ្នកសារព័ត៌មាននៃប្រទេសសមាជិកគំនិតផ្ដួចផ្ដើមផ្លូវនិងខ្សែក្រវ៉ាត់។
វេទិកាអន្តរជាតិនេះត្រូវបានរៀបចំដោយសមាគមអ្នកសារព័ត៌មានចិនទូទាំងប្រទេស (All-China Journalists Association)៕
