យន្តហោះចម្បាំងអ៊ីស្រាអែលមួយគ្រឿង បានវាយប្រហារលើទីក្រុងដាម៉ាស ដែលជារដ្ឋធានីស៊ីរី ខណៈភ្លាមៗទំហំនៃការខូចខាតមិនទាន់ដឹង នៅឡើយទេ។
ប៉ុស្តិ៍ទូរទស្សន៍ក្នុងស្រុក Sham Tv រាយការណ៍ថា យន្តហោះចម្បាំងគ្មានមនុស្សបើកនេះ បានទម្លាក់គ្រាប់បែកលើអគារនៃអគ្គសេនាធិការនៃកងកម្លាំងប្រដាប់អាវុធស៊ីរីនៅកណ្តាលទីក្រុងដាម៉ាស តែម្ដង ។
យោងតាមរបាយការណ៍ បានបន្ថែមថា ការវាយប្រហារនេះ ក៏បណ្ដាលឲ្យមានអ្នកបាត់បង់ជីវិតផងដែរ ខណៈចំនួនជាក់លាក់នៅមិនទាន់ដឹងនៅឡើយ។
កាលពីថ្ងៃពុធ មនុស្សយ៉ាងតិច ២ នាក់រងរបួស ដោយការវាយប្រហារដោយប្រើយនត្ហោះគ្មានមនុស្សបើក ឬដ្រូនរបស់អ៊ីស្រាអែល នៅចំកណ្តាលទីក្រុងដាម៉ាស លើទីតាំងអគ្គសេនាធិការនៃកងកម្លាំងប្រដាប់អាវុធនៃសាធារណរដ្ឋអារ៉ាប់ស្ថិតនៅនេះ។
ទោះជាយ៉ាងណា បើតាមទូរទស្សន៍ Sham Tv ក៏អះអាងដែរថា យន្តហោះគ្មានមនុស្សបើកអ៊ីស្រាអែល ឬដ្រូននេះ ក៏បានវាយប្រហារវិមានប្រធានាធិបតីក្នុងរដ្ឋធានីស៊ីរីផងដែរ តែរដ្ឋាភិបាលមិនទាន់ធ្វើអត្ថាធិប្បាយ ជុំវិញរបាយការណ៍នេះនៅឡើយទេ៕
ដោយ៖ ពេជ្រ
