ភាគីសំខាន់ៗរបស់កូរ៉េខាងត្បូង កំពុងបើកកិច្ចប្រជុំបន្ទាន់ ចំពេលមានសេចក្តីរាយការណ៍ថា សមាជិកសភាអាចបោះឆ្នោតក្នុងការចោទប្រកាន់លោកប្រធានាធិបតី Yoon Suk Yeol ឆាប់ៗនេះ ជុំវិញការប្រកាសច្បាប់អាជ្ញាសឹករយៈពេលខ្លី កាលពីយប់ថ្ងៃអង្គារ ។
គណបក្សប្រជាធិបតេយ្យ ដែលជាគណបក្សប្រឆាំងដ៏សំខាន់ បានលើកឡើងថា ការបោះឆ្នោតដែលគ្រោងនឹងធ្វើឡើងនៅថ្ងៃសៅរ៍នេះ អាចប្រព្រឹត្តទៅមុនកាលបរិច្ឆេទ ។
គណបក្សប្រឆាំង ត្រូវការសំឡេងគាំទ្រពីសមាជិកគណបក្សកាន់អំណាច PPP ចំនួន ៨ រូប ទើបមានសិទ្ធិបោះឆ្នោតចោទប្រកាន់លោក Yoon ជោគជ័យ ប៉ុន្តែប្រមុខបក្ស បដិសេធ។
គួរបញ្ជាក់ថា លោក Yoon បានប្រកាសដាក់ចេញនូវច្បាប់អាជ្ញាសឹករយៈពេលខ្លី កាលពីថ្ងៃអង្គារ ដែលនាំឲ្យមានភាពចលាចលពេញប្រទេស ដោយលោក អះអាងថាគឺដើម្បីប្រឆាំងនឹងកងកម្លាំងកុម្មុយនីស្តដែលចង់បះបោរ៕
ដោយ៖ ពេជ្រ
