ខ្សែប្រយុទ្ធវ័យក្មេងរបស់ក្រុមគោជល់អេស្ប៉ាញ កីឡាករ Lamine Yamal បាននិយាយរឿងខ្លះៗអំពី Cristiano Ronaldo មុនពួកគេត្រូវជួបគ្នាក្នុងវគ្គផ្តាច់ព្រ័ត្រពាន UEFA Nations League។
មុនជំនួបដ៏ធំនេះមកដល់ Yamal បានចាត់ទុក Ronaldo ជាវីរបុរសបាល់ទាត់។ មិនត្រឹមតែប៉ុណ្ណោះ គេក៏បានបង្ហាញក្តីរំភើបផងដែរ ដែលអាចលេងវគ្គផ្តាច់ព្រ័ត្រទល់នឹង ព័រទុយហ្គាល់ និង Ronaldo ហើយជឿជាក់ថា ការប្រកួតនេះ នឹងអាចឱ្យខ្លួនវាស់ស្ទង់ពីសមត្ថភាពរបស់ខ្លួនបាន។
គួរបញ្ជាក់ថា ការប្រកួតវគ្គផ្តាច់ព្រ័ត្រពាន Nations League រវាង អេស្ប៉ាញ និងព័រទុយហ្គាល់ នឹងធ្វើឡើងនៅយប់រំលងអាធ្រាត្រថ្ងៃ អាទិត្យ ឈានចូលថ្ងៃ ចន្ទ ទី ៩ ខែ មិថុនា ឆ្នាំ ២០២៥៕
