ស្ថានទូតអាមេរិកនៅទីក្រុងគៀវបានណែនាំប្រជាជនអាមេរិកឱ្យមានការប្រុងប្រយ័ត្ន និងកុំព្រងើយកន្តើយនឹងសម្លេងស៊ីរ៉ែនដែលប្រកាសអាសន្នពីការវាយប្រហារតាមអាកាសរបស់រុស្ស៊ី ហើយត្រូវស្ទុះស្ទាស្វែងរកទីជំរកឱ្យបានត្រឹមត្រូវ ដោយព្រមានអំពី ហានិភ័យបន្តនៃការវាយប្រហារតាមផ្លូវអាកាសយ៉ាងសំខាន់។ នេះបើយោងតាមសារដាស់តឿនសម្រាប់សន្តិសុខថ្មីមួយដែលបានចេញផ្សាយកាលពីថ្ងៃពុធម្សិលមិញ។
ប្រធានាធិបតីរុស្ស៊ី លោក វ្ល៉ាឌីមៀ ពូទីន បានថ្លែងសារខ្លាំងៗថា គាត់នឹងឆ្លើយតបចំពោះការវាយប្រហារនាពេលថ្មីៗនេះ របស់អ៊ុយក្រែន លើអាកាសយានដ្ឋាន ដែលផ្ទុកយន្តហោះទម្លាក់គ្រាប់បែកយុទ្ធសាស្ត្ររបស់រុស្ស៊ី។ ប្រធានាធិបតីអាមេរិក លោក ដូណាល់ ត្រាំ បានសរសេរបែបនេះ នៅលើ Truth Social កាលពីល្ងាចថ្ងៃពុធ ដោយបង្ហាញព័ត៌មានលម្អិតនៃការសន្ទនាដែលមិនប្រកាសរបស់ប្រធានាធិបតីទាំង២នៅថ្ងៃនោះផងដែរ។
ក្រសួងការបរទេសសហរដ្ឋអាមេរិកបានចេញនូវសេចក្តីជូនដំណឹងអំពីសុវត្ថិភាពខាងលើនេះ នៅប៉ុន្មានម៉ោងមុននេះ ដោយបានណែនាំដល់ជនជាតិអាមេរិកបច្ចុប្បន្នរស់នៅក្នុងអ៊ុយក្រែនឱ្យកំណត់និងត្រៀមទីតាំងជំរកជាមុននិងរក្សាទឹកបម្រុង អាហារ និងថ្នាំព្យាបាល។
ទីប្រឹក្សាលោក Trumpបាននិយាយថា រុស្ស៊ីបានបង្កើនអាំងតង់ស៊ីតេនៃការវាយប្រហារដោយមីស៊ីល និងយន្តហោះគ្មានមនុស្សបើកប្រឆាំងនឹងអ៊ុយក្រែនក្នុងរយៈពេលប៉ុន្មានសប្តាហ៍ថ្មីៗនេះ ហើយបច្ចុប្បន្នមានហានិភ័យបន្តនៃការវាយប្រហារតាមអាកាសលើទីតាំងសំខាន់ៗថែមទៀត។
កាលពីថ្ងៃច័ន្ទដើមសប្តាហ៍ យន្តហោះគ្មានមនុស្សបើករបស់អ៊ុយក្រែន បានបើកការវាយប្រហារមូលដ្ឋានអាកាសរុស្ស៊ីជាច្រើន នៅក្នុងការវាយលុកដោយមានការសម្របសម្រួលមួយ សំដៅលើយន្តហោះទម្លាក់គ្រាប់បែក ដែលអាចបំពាក់អាវុធនុយក្លេអ៊ែររយៈចម្ងាយឆ្ងាយ។
ទីក្រុងមូស្គូបាននិយាយថា យន្តហោះគ្មានមនុស្សបើកអ៊ុយក្រែនដែលចូលមកភាគច្រើនត្រូវបានស្ទាក់ចាប់ ដោយមិនបានបញ្ជាក់ពីការខាតបង់ណាមួយ ឬការឆ្លើយតបភ្លាមៗណាមួយពីយោធាឡើយ។ ក្រុងគៀវក៏បានកំណត់គោលដៅលើទីតាំងជនស៊ីវិលរុស្ស៊ីជាច្រើនកន្លែងកាលពីចុងសប្តាហ៍ ដោយបានសម្លាប់មនុស្សយ៉ាងហោចណាស់ ៧ នាក់ និងរបួសជាង ១២០ នាក់ នៅក្នុងអ្វីដែលទីក្រុងម៉ូស្គូដាក់ឈ្មោះថាជាអំពើភេរវកម្ម។
លោកពូទីនកាលពីថ្ងៃពុធបានពណ៌នាឧប្បត្តិហេតុបំផ្លិចបំផ្លាញផ្លូវដែកនៅក្នុងតំបន់ Bryansk និង Kursk របស់រុស្ស៊ីថាជា “សកម្មភាពភេរវករដោយមិនដឹងខ្លួន” ប្រព្រឹត្តដោយរបបខុសច្បាប់នៅទីក្រុងគៀវ។ លោកបានបន្ថែមថា ភេរវកម្មនោះកំពុងប្រែក្លាយទៅជាអង្គការភេរវករជាបណ្តើរៗហើយសម្រាប់ក្រុងគៀវ។
យោងតាមទីប្រឹក្សាគោលនយោបាយការបរទេសកំពូលលោក Yury Ushakov បានឲ្យដឹងថាលោក Putin បានជូនដំណឹងនៃការឆ្លើយតបដល់លោក Trump រួចហើយ ហើយថាការវាយប្រហារទាំងអស់របសយអ៊ុយក្រែនគឺមានគោលបំណងបង្អាក់កិច្ចចរចាដោយផ្ទាល់រវាងទីក្រុងម៉ូស្គូ និងទីក្រុងគៀវ ដែលជាជុំទីពីរដែលបានធ្វើឡើងនៅទីក្រុងអ៊ីស្តង់ប៊ុលកាលពីថ្ងៃចន្ទ។
ក្នុងកិច្ចសន្ទនាតាមទូរស័ព្ទមេដឹកនាំទាំងពីរក៏បានយល់ព្រមបន្តទំនាក់ទំនងលើអ៊ុយក្រែនទាំងក្នុងកម្រិតខ្ពស់បំផុត និងតាមរយៈបណ្តាញផ្សេងទៀត។ លោក Trump បានពណ៌នាការហៅទូរស័ព្ទថាជា ការសន្ទនាដ៏ល្អមួយ ទោះបីជាលោកបានកត់សម្គាល់ថាវាមិនមែនជា ការសន្ទនាដែលនឹងនាំទៅរកសន្តិភាពភ្លាមៗក៏ដោយចុះ៕
ដោយ៖ ពេជ្រ
