អ្នកនាំពាក្យសេតវិមាន លោកស្រី Karoline Leavitt បាននិយាយថា ប្រធានាធិបតីអាមេរិកលោក Donald Trump មិនត្រូវបានទទួលដំណឹងពីទីក្រុងគៀវ អំពីផែនការក្នុងការវាយប្រហារលើអាកាសយានដ្ឋានរុស្ស៊ីនោះទេ។
នៅពេលត្រូវបានសួរអំពីជំហររបស់រដ្ឋបាលអាមេរិកលើការវាយប្រហាររបស់ទីក្រុងគៀវលើអាកាសយានដ្ឋានរុស្ស៊ី លោកស្រី បាននិយាយថា លោកស្រី ចង់ទុកឱ្យប្រធានាធិបតីបញ្ចេញមតិលើបញ្ហានេះ ដោយខ្លួនលោក។
យោងតាមក្រសួងការពារជាតិរុស្ស៊ី កាលពីថ្ងៃទី១ ខែមិថុនា របបក្រុងគៀវ បានអនុវត្តការវាយប្រហារភេរវកម្មដោយប្រើយន្តហោះគ្មានមនុស្សបើក FPV នៅលើអាកាសយានដ្ឋានក្នុងតំបន់ Murmansk, Irkutsk, Ivanovo, Ryazan និង Amur ។
ការវាយប្រហារនេះ ធ្វើឲ្យយន្តហោះជាច្រើនគ្រឿង បានឆេះទាំងអស់ តែមិនមានការរងរបួសក្នុងចំណោមទាហាន ឬជនស៊ីវិលឡើយ៕
ដោយ៖ ពេជ្រ
